Bible tuan bia "Nu "thawhkek nak,
Bawipa nih mipa cu thu hluahmah in a hngilhter i aa hngilh kar ah cun ahnakruh pakhat kha a zuh i cu azuh nak cu titsa in aphih.Mipa hnakruh a zuh mi cun minu pakhat a ser i a sin ah cun a ratpi cun mipa nih cun aa thawh i,Atu hi pei keimah miphun taktak asi mi cu asi hi ka ruh in lakmi ruh, kasa in lakmi sa,amin ah "Nu" si seh zeicatiah amah cu mipa chung in lakmi asi.( Genesis 2: 21-23)
Vulei cung ah ramkip ah nu hi kan ven ko covo aikhat kan in pek hna an ti,kan lai pupa holh" mithi lungngam nak" men asi ko rih. A taktak ah cun Nu zapizaran kan dirhmun hi Pathian athei lo mi pa lungdiriamh nak hman mi thilri bantuk men kan si.Vulei cung ramkip ah nu kan si nak kan thazang der nak namnet in zuar chaw bantuk ah an kan hman.
Bible ah Nu hi nautat ding ah khaukhih kan si maw?
Kan hmuh ton mi le theih mi chung in Muslim kan nuhawi hna Malaysia ka rianttuan hawi le hna nih an dirhmun hi alungsi mi an um ve chapbai a tam u cu an i fahsak tuk ve.Rev David Lah 7 Mountain phungchim mi ah minu asual lio an tlaih mi Bawi zisuh hmai an chuahpi lio ah , khuaika dah a sualpi tu mipa tah? tiah ahal hna. Asi na in biaknak le phungser thiam pawl nih cun anmah chamhbau nak cu an rak thuhnawh i bible ah an ttial lo ati.Aikhat mi lungcheh nak hi nu he pa he raktuar tti ding an si ko .Asi na in Pa sual cu Pa nih an huhphenh an langhter duh lo sual ciocio ah nusual nak lawng hi an langhter nak asi.Pathian tu nih cun dingten bia aceih te ko lai. Vulei ah kan tuar mi nisawh thlanglamh nak vialte cu kanhmailei ah thluachuah vanluh nak an si te lai.
Pa le nu thleidan fah nih Muslim ram ah
Ramuk tu nawlnei hna nih nunphung an vun sertik ah nu hi anmah duhpoh tuammuaitu zohkhenh tu diriamh ter tu siding in phung an rak ser. Muslim pa nih nupi 4 tthitnak nawl hi anram phung nih a onh nu vial cu atak sa langh ter an duh lo. Biak nak hmunhma ah Pa le Nu cawh in Pathian an bia lo.Malaysia ah Dr Mahathir uklio ah nu covo hi athlen piak aduh pah ko na in Culture nunphung hrawh an an relpiak an pom lo. Mahathir nupi le afanu hi dudung timi lukhuh an i khuh lo. A si na in anram mipi nih an zul ti lo Phung an rak ser cia mi nih anenh peng hna. Mahathir fanu zong nih nuhrin covo le nu dirhmun hi tampi adirpi attanh ko na in nunphung an rak ser mi ttheu nih akham zungzal hna .Asi na in Nu rianttuan nak nawl.Mawttaw mongh nak nawl cozah zung le ukknak lei zong ah an vun i tel pah cang.Khuapi le khuate ah nu covo tampi aidang.Khuapi deuh ah cun nu covo woman rights an theih i nih zalon nak tlawmte an hhmuh deuh khuate lei ah cun nunphung tang ah nu cu nent an si rih. Pa hmai ah fak in mit au hmanh an ngamh lo.
Women in politic,Kawlram chung ah,
ASSK cu tulio cu vulei cung nu vialte lak ah alaar tuk lio asi a dirpi mi anun nak achim mi biafang milungthin ah thukpi in alut. Mino lungthin chung ah zohchunh ding ah an duh. Tuluk nu te nih Hongkong ah len in ngakchia pawl ramdawt nak bia nan kan chim kho hngamaw ti zong an hal. An hal mi chung ah Nu kan dirhmun in Woman in politic kong an hal. Nu le pa hi zeiti ko lo cu Nu hi hmunhma hmuhpek hi aum lo hi cu mithmuh el awk ttha lo mi si ko atu kan kawlram nu vilate hi aitluk mi dirhmun ah aho dah adir hmunhma pek kan tong lo.Hi ruang ko ah hin Nu hi Ramkhel( politic) nak ah tamkhun in tel ter ka duh hna. Nu tampi tel ding ka sawm hna. Atu zong kawlram nungak dawh tete Tuluk ah ah tampi nupi ca ah an cawk hna mah kong zong hi tampi kan dir pi ahau , ati. Nu hi cawk in cawkkhawh mi zuarchaw ah kan cang nun nak ngei lo mi thil le ri bang mah duhthim nak nawl nei lo mi kan rak si rih mi hi cu nutampi nih kan hmailei kong hi phung nih akan nent chung poh cu chanhchuah ahar asi na in kanmah ten kan covo kan hngalh ah cun fawiten nu dirhmun aithleng ko lai.
Lai nunphung "culture"ah nu hi nautat hrim kan si.
- Kapa khua cu ka khua, kapa phun cu kaphun, nu nih phun kan tung lo
- Fapa le nih ro an co,Fanu le roco aum lo
- Darkhuang cumhphung nu cumhphung. Nu cu tukvelh cumhkhawh mi kan si
- Nu ruah nak tikhur ral apet lo
- Siapi ki in lam tlo lo...........?apeh kaphilh
- Ar nu khuan in khuadei hlah..( si rua lo remhte ding)
- Vok vak thal he nuvak bia he
Laipa nih nupi tthitza asi nupi an tthit tik ah an nupi hi fangsu tithan inn lei hnokhnai fimtawl tu rawlchuang tu vok le ar zohkhenh tu,thingphur tu thilsu tu ah tthit khi asi bik.Hihi kan culture nunphung bantuk ah kan thluk ve. hi phung anunchung poh cu nuhrin covo zeitik hmanha Lainu nih kan hmu lo ti afiang. Nupi adaw taktak mi pa hi 5% hrawng cu an um ve na in hi 5% ka hmunton ding hi cu vanni thluachuah pek kan ton camcawh fung hna dah kan i tlaih lo ah cun afawi lo mi si.Kawlholh cu tingtthi poh in poh kan hau hnga.
Nunphung an ran remhpiak lo ah cun nu dirhmun cu zeitik hmanh ah kan hlitphuak kho lai lo.Acaan ah cu lainu kan dirhmun le laipa dirhmun hi "arpi ni ttap na sahngar ni na" dirhmun khi kan si ko. Laipa tonhmun an ser nak biaphong duhtawk an vun den ah cun nu cu kan tang ti lo maisam in an kan sam. Anmah thiltikhawh nak porhlawt nak ah nu hi na kan hman "cuzat cu ka ti cang hna" an ti.Nu tampi ati kho asualpi khotu cu thilti kho ngai ah an i ruah, Nu "a tii "khawh mi sawm an rel sawmtuk an i tim.Solomon siangpahrang nupi neihzat neih an i tim.Sodom le Komorah khua bantuk kan si ko cang. Zeitin dah Pathian mithmai ttha kan hmuh lai.Kanram ah ruah a sur duh hnga maw?. Khuakheng ah kan cinthlak thlaici le theikung an theipar kan hmuhkho hnga maw,Paam bomh kan hal nak sullam hi kan ziaza theipar si dawh deuh a si.Kan ram ah mau zong phung lo in an par.Tihin maw mau ttam hin kan paam zungzal ko lai.
Adam nih Nu= Evi tiah min asak,Atu hi pei keimah miphun taktak asi mi cu asi hi ka ruh in lakmi ruh, kasa in lakmi sa,amin ah "Nu" si seh zeicatiah amah cu mipa chung in lakmi asi.( Genesis 2: 21-23)
ASSK nih, Women is better than Men ati nak Video hika tang kha zoh ve hmanh.Zumhtlak in anung bochan awktlak in bia achim, achim mi bia cung ah arianttuan nak alang Asi na in Laipa acheu nih an soisel rih.ASSK cung ah lungtlin lo nak an ngeih mi cu " Nu" timi huatnak ruang ah sual an puh dah ti lo Vuleicung minung vialte ah an mit ah atling an lung aton dih ngawt hna.Lai nu cu kan tuar ko lai hih.Nu nautat mi miphun kan rak si ruang ah!
Democracy laam pi ah nu zong kan i tel khawh nak ding ah phungser thiam nih phung nan tluk mi kan remh piak uh tiah nawl kan duh hna.
Zite
Žádné komentáře:
Okomentovat