pondělí 9. ledna 2012

2000 kum lio kapa kut ttial mi te si Chuahkeh nak

Chungkhar dihlak,

Neh hnu tuanbia zohtthan  te  awk an si,(Angah le ngah lo kathei lo  test nak)

http://xa.yimg.com/kq/groups/10336027/1034214798/name/Kapa%20Cakuat.pdf.( Alangh lo sual ah)

CHUMKHAR               LUNGDINGKHUA                 CINZAH                 HRINSOR

Lai tuanbia karel tikah Peng letlang hin mitthawng mi lian an ti mi hna chung hi Bawi cu an rak ttuan, Hakha ah khin Sangpi sang te chung hi Bawi Phun an ti hna, Senthang ah hin Thla Ceu hi an Bawi ve.Thlan Tlang Peng ah Cinzah  le Hlawnchin an ti, Cinzah tuanbia rel tik ah Cinzah hi Thluak in mi an rak iap, tei deuh han i ramuk tu ah an cang ti si,

PU Chum Khar hi kapa i apu, Cinzah cu ramuk bawi cu an rak si nupi pa 2 angei, Nutak fa le Nuchun fa tin.Nutak hi tthit hmasa mi si sin ah fa  9 angeih hna  fapa 3 le fanu  6 an si.


  1. Pu Run Luai ( fa anei lo)
  2. Pu Khen Hnok + Pi Par Caan  fale pa 9 lak ah kapa hi ahniang bik asi.
  3. Pu Tin Duh
  4. Tial Hoi pi ( an min ttial lo in anfale min kan theih khawh ding in attial)
  5. Tin Tlung pi( Tlangpi hlaphuah thiam arak laar ngaimi khi si)
  6. Thawng Uk pi( Lungzarh um mi an si)
  7. Tinzi pi ( Thantlang ummi an si)
  8. Ngun peng pi ( Malaysia i Hluanku pa ai buaipi mi Colostomy tuahmi pa si)
Pu Chum Khar nupi 2 nak hi Zangtlang ah aum afale hna cu
  1. Za Dil ( Hre Luai pa)
  2. Thang Pawng ( Sui Iang le Lain nawn hi Kalemyoh ah mirum asi ve) kan i thei ti han lo hih.
  3. No ceu
  4. Tial Tlem ( Zamang nu)

Kapa Pu Ngun Iap u nau rual,
  1. That hlei ( Rualcung,Tial Caan, Thacia,Hnem Tluai, Famci,Zing Thai an si,Tu le Nawlbik )
  2. Lian Hrin fale ah   Bawi Hu  nu Len Vang, Leng Cuai ,Chan cung,
  3. Thang Dun
  4. Tial Tluai
  5. Hniar Cer ( kani hi Mante hi adawt tuk kan nih akan daw lo arak kan duhdanh hehe)
  6. Tinhar ( Duhlal, Liankil,Nu zing,Hmung Ceu, Siangki, Hlawnca, Chan Hnin)
  7. Tei Ing+ kanu pen( Za Hlun, te uanau hi pa 6 cu an si rua)Hlat ding an si kasia an herh zungzal.
  8. Nu Hliang hi , tuan ah athi rua kan thei manh 
  9. Ngun Iap + Thanu (Surkhua Thla Ceu chung si)Hihi kanu le kapa an si.Fa 10 an kan ngeih.
Kanu kong tlawmpal, Kanu hi angakchiat lio te mah le mah aitheih hlan ah anu le pa nih an rak thih tak,Kanu Tta le Cu Thuan Mang ( Biak Lian Thang pa le Sazamah Iang Tial pa an si) Dongzing Surkhua,Semcuai Daidin ah ka nu u le an um.Kanu apa nau Bawi Thawn hi Surkhua in Lungrang ramuk bawi arak ttuan i amah nih cun anule pa min chimh arak duh lo keimah pei um cu angakttah hi katheih ter lai lo ati   Kanu anu la pa min ah

Pu Bawi Thawn le Pi Mang Zing tin asi. An fale cu
  1. Dumsi or Tha Nu+ Ngun Iap
  2. Dar Cuai + Chan Peng( ThangThang, 
  3. Bang Sung + Sein Lynn ( Ohnmar, Nweni, Waiwai,Thet Htun, Myahzaw)
  4. Sui Awi+ Mawng Shwe
  5. Tum Ngen + William
  6. Tin Thawng
  7. Mawng Htun
  8. Shwe Myah
A cunglei ka vun ttial mi hi akan hringtu kanu le kapa u le nau pawl nukhat pakhat hrin hmanh chankhat aliam cun theih aum ti lo, Zei ruang ah tiah cun  ca ttial le fim kan rak thei lo kan i philh kan i thlau dih cang,

Ngun Iap le Thanu fa le hna cu
  1. Tial Awi + AungKyaw( Bawi Hnin,Siang Hmun,Thawng bik,Sui Hlei par ,Angel par )
  2. Suizi + Thla Tawn, An i um i an i tthen tthan fa an ngei lo. Sui Hlei par le Angel Par hi an i cawm hna.
  3. Man Cuai+ Sang Hup ( Sui Hlawnpar,Bawidawt,Jeny,Ngunrin,Esther,Bawittha)
  4. Lal Mawng Cung + Nauchin ( Aung Lian,Ngunsui ting,Carson ChanDuhnung,Aron BiakHmun,Tinner
  5. Bawi Uk + Mah Zing ( Van Dawt Hluan le Cung Tha Sang)
  6. Elizabeth +Mang Hleih ( Sui Lian,Cung Lian Thawng,Marry par)
  7. Siang Hu +Ca tin Hoi ( Bawi bik,
  8. Thawng Za  Lian + A Sui(Siang Bik 
  9. Van Lian Bawi ( Single)
Kapa nih CiaPen ( Vanzang) nu he fapa angei Biak Sang asi. nupi angei rih lo, Atu hi USA aphan ve cang .


Kapa  athih laite taktak  fale hrang bia ro vuimi si,




ar
          Ka fa le nan dih lak te in bia cah kan duh hna, kei cu hi hi ka si cang ko i hi pin cu Pathian nawl a si cang ko, Rangoon in zei hmanh tuah awk a um ti loh an ti cah Dec 10,11, khi cu vanlawng tlun ding in kan i tim, kei mah tu cu vanlawng cit le mawtaw cit zong ka ngeih lah ko nain tlun ding hnga hnga cu a ran nak in tlung ko sih kan ti, cucaah kei cu zei can ka nun lai theih  a si ti lo i ka fa le dih lak nih hi bia kan cah mi hna hi philh lo awk ah nan i cin ken peng ding ah ka duh, fapa 5, fanu4 kawi biak cu mail in telh awk a that lo caah ka fa le te te ni hin ni tiang ah Pathian zang fah nak in dam te nan um mi hi na nu le kei cu kan i lawm tuk hihi Pathian dawt nak  a si ti hi kan hngalh i Pathian kan thang that cucaah a tawi nak in chim kai zuam lai i nutial cu u pa cem a si i fapa 3 fanu 2 a ngeih hna i an cu za pah cang, zite cu nai ah patawn he malaysia ah leh thah an si i kan tel pi kho hna lo i kan sia a herh ngai, Pathian tu nih an mah pahnih an i dawt nak ah siseh, fanu fapa tha an neih khawh nak ding caah siseh khua sak tlin tuk nak caah si seh, zei nan tuan nak kip hmanh ah an ca hrang ah har nak ngeih chiat nak, lung re theih nak,buaibainak a chuah nak hnga lo Pathian nih thluachuah nak in pe ko hna seh. Zei thil nan i tinh mi kip cung ah khua awng tong zung zal ko u nan duh nak tling zung zal ko seh ti ah Pathian min in thluachuah kan in pek hna.
            Pa uk le mah te nan dam maw?  Bia ka kan van in cah cang hna lai Dec 10,11 hi tlung kan i timh cah ah ca kuat ta lo cu kan sia nan herh le kei cu thih nak le nun nak ram ri ka um lio a si caah bia cah kan duh mi te te hna ka van in cah hna lai, kei mah tu cu zun zun le pawl kal hi na nu nih kal pi peng ka si ko ka khel zong kai let kho loh khua can ah cun innchung ah hin cun kai chawh khawh can a um ve, nan thla cam piak nak thawng in ka dam te ko lai ti cu ka hna bei a sei ko.  Hmailei nan nun nak ca nan kawl hawl nak ah si seh, fanu fapa tha nan neih khawh nak ca ding ah siseh zei kip nan i timh mi hmanh ah nan duh nak tlin khawh nak hnga Pathian nih thlua chuah in pe ko hna seh lung re thei le aw lawk chong in rak um hrim hrim hlah uh.  Kei mah dam nak ding caah nan dih lak te in nan i zuam i phaisa tam pi nan dih nain ka dam khawh lo mi cu kei mah zong hitluk tiang tangka dih in nan ka zoh khenh nak ah hin ka ning lei a zak nan caah zei hmanh a va tha hnem ti ding lo mi nu le pa hi tluk i nan kan dawt nak cung ah kan i lawm tuk hiban tuk te hin nan u nau rual dih lak cung ah pakhat le pakhat har nak  can ah aw lawk chong i nan um tik ah van i bawn chan leng mang hna u ti hi kan cah duh hna.  Nau min cu ka van chim la le nan duh cem mi nan rak i thim lai pa a si ahcun Van Bawi Bik Thawng, Van Bawi Hup.  Nu a si ahcun Van Chin Par, Van Par Dawh, Ram Tha Iang , rak thim hna u law nan duh mi a um lo si kan in kaut than te hna lai.
           Pasiang le ca te  fanu, fapa tha nei u law nan mah le nan mah, nan fa le he mi zoh chun awk i dawh te in khua nan sak nak hnga fapa fim fanu fim zia za tha nawl ngai mi  an si khawh nak hnga nu le pa nih fa le caah nan kawl hawl nak nak rian tuan nak kip le zei zong nak ruah nan khah mi innchung khar a herh mi vial te duh dim khua nan sak khawh nak hnga nan mah zong mibochan awk tlak nan tho to nak nan inn ah Pathian thlua chuah mi  nih an hmuh khawh nak ah ti hal rawl tam mi vail te hna ngam nak a pe kho tu nan si nak hnga nan lu cung kut cung chuan in thluachuah kan pek hna, Pathian nih thlua chuah in pe chin ko hna seh.  Pasiang nan ca kuat kan rel ah a tial na thiam tuk le na ca kuat ka rel chel ahcun a dam hna ka dam deuh kan i lawm tuk.
        Thawng thawng le a sui nan sin ah Pathian thluachuah  kan van in pek hna lai nan khuasak nan tlin tuk nak ah siseh, fanu tha fapa tha nan neih khawh nak ding caah siseh, fale cung ah dawt nak lung thin cawn piak thiam mi nan si khawh nak hnga fale nih nu le pa tih zah thiam nan si nak hnga fa le caah , inn chung khar caah nan kawl hawl nak kip ah zei zong te nan herh mi  nan neih khawh i nan hmuh khawh nan inn lo tlam tling khua sa kho nan si nak hgna Pathian nih thluachuah in pe hna se law ti ah kei mah zong nan lu cung kut chuan in thluachuah ka van in pek hna.
         
   A tu cu nan u nau rual dih lak u pa bik in hgak chia bik tiang ka thih hnu ah nan van i daw cik cek cang hna lai, ramdang lam hla pi um mi nan si zong laitlang i a um mi nan si zong ah pakhat le pakhat duh nak i theih piak thiam in lung sau thin fual tein nan in khawh i nan thin hun nak kha unau caah pakhat i a fah nak i an theih nak hnga lo a lang le tlang in lung lawm te in nan um khawh nak hnga nan bia chim nan holh rel a thlum mi bia siseh, zei tluk thin hang mi zong nih a thin dam nak ah cang seh, vawlei cung cu Pathian dawt nak a len khawh nak hnga i dawt hi a bia pi bik mi a si ko, cucaahcun har nak can ah i hrawm uh, lomh nakcan ah i lawm ti hna uh ti hi a donh nak bik ah bia ka hon in cah hna. 
Nan dih lak nan u nau rual bawibawi hi nu pi a neih rih lo caah a siang in kai nak kong ah siseh a nupi neih nak kong ahsiseh nan dih lak khua van khang ti u law lung re thei in van um ter hlah u ti hi kan cah duh bik mi hna a si.  Na nu le kei cu zei can kan nun lai theih a si ti lo caah hi hlei cun rovuih bia kan chim kho ti lai lo.  Nu tial, zite, numan, aunglianpa, pauk, lyly, pasiang, thawng thawng, le bawibawi hi ka bia cah hi nan u nau rual dih lak caah a homanh nih van philh hlah u....kapa rovuih bia van ti uh
   Kei mah kong ka hon in chim ta hna lai ka chuah kum hi fiang in kai thei loh 1932 hrawng hi a si rua 1945 kum ah tlang pi ah tang cheu ka cawng(japan ral dih kum a si) a kum voi 46 ah farawn ah mirang ca tang li an kan kai ter a kum khat nak hi hawi siang inn kai i ka kai khawh lo ruang ah na sung an ka ti i 47 kum tang li ka nolh than, 48 kum ah tang nga ka kai, 49 kum ah tang 6 ka kai lio ah ral kap tlak ah ka rak i thawh, tla than lo in ka um i 49 kum hi siang in kai kai phuah kum a si 50, 51kum hi ka vai vuan 52, 53 kum hi lung ding ah private saya ka tuan, 54 kum ah cozah nih an kan lak i surkuah ah December 6, 1954 ah cozah in saya ka tuan (surkhua ah kum 2 le cheu ka um), cun sur ngen ah 57 ah kan i thial thla 5 kan um in phaizawn ah  kan i thial phaizawng ah kum 3 le cheu kan um nu tial hi 58, zite 59 ah phaizawn ah an chuak, 60 kum ah tlang pi ah kan i thial kum 1 kan um, 61 kum ah lung ding ah kan i thial  63 tiang lung ding ah kan numan 62, aunglian pa 64 ah a chuak lungdingah, 65 kum dawn ah kan i thail pauk 67 kum pa uk a chuak, 68kum ah tiphul ah kan i thial (lyly a chuak),  71 kum ah vanzang ah kan i thial (71 ah pasiang a chuak, 74ah thawng a chauk), 74kum ah cong thia ah kei mah lawng ka vai thial kum 1 ka um, 75 farawn ah ka van i than i kum khat ka um, van zang ah ka van i thial i kum 3 ka um 75-78 tiang vanzang ah ka um, 78 in thinghual ah kai thial i kum 3 ka um 81 tiang, vanzang ah kum 5 ka tuan than 86 tiang (84 ah bawibawi a chuak),  mah hin pen sen ka la colh. Thla khat lo ka vat le ka vah dih bak ah ka zaw cia mam i kum 5 tiang ka ngor cu hnu cun a tu tiang rian ka tuan kho ti loh, kan fa le nan kut lawng kan to ko cang.  Vanzang hi chung khar tling te i kan um lio can a si caah kan khua he ai khat in kan ruah mi a si ahohmanh nih vanzang hi thluachuah kan hmuh nak a si ti kha philh hlah uh.  Lung ding kan chuah nak khua ti thei peng u, kan i nuamh nak zong a si thiam thiam.
Hi khua hnih cu zei tik hmanh ah kan philh ti hna lai lo.
Nan dawt nan pa





Žádné komentáře:

Okomentovat