Kanu biaro

           17 October 2011 ah mual akan liamtak mi kanu ahnubik upat kapek nak


 Kanu anunchung afale hrang ahmurka le alungthin abiaro akan chiah tak mi asi,Kanu akan liam tak hnu 2011 Xmas cu ka lungthin avai,Vulei thilrit he chosang kan kai , kan sivangh kan lungthin alinhsanh caan ah kan dinhhmun, Mi ca ah chimtlak lo thilttha pelpawi kan tuah khawh mi um ah kanu lomhpiak kanhlam khun, Kanu afale thiltuah mi poh anmah thil tuahmi bantuk akan lomhpi tu kansungh kan zatlak nak ah anmah pumpak tuahmi bantuk inakan  tuarpi lungfah zatlak nak ah mahton mi tluk inakan tuar pitu vulei cung asunglawi bik kanu le kapa um ti lo hnu ah...................Nule pa tluk in aho ni dah akn tuar pi tu a um hnga? Kanu kanu.




Kanu nabia te hi kan fim zungzal ko.( ka philh lo , kaphilh hrim lo)


Kafa kei cu cathiam lo mi si . (kanu bia)


Kei cu ngakttah kasi,ca ka cawng kho lo cathiam lo mi si ahar ning mihmai ah mihmai kan ngeihlo ning keimah nih katuar cang,Zeibantuk si hmanh ah siang inn nan kai dih lai akan ti


 Lothlo kan nu le an kan cawm ning Chungkhar terual ngai kan si kumnga tlin in sianginn kai aza mi poh sianginn ah kan kai dih. Zaran khuate cu tangli tiang lawng sianginn aum . Hakha, ThanTlang khuapi deuh hna fuhhau kan hun si cun kanu lo cu akau chinchin.Asina in kanu mit nih Lorel 10 tlum tehna kha amit nih athah tuk. Kafa le sianginn kai nak timi thazang nih kha kanu lungthin kanu pumchung ah arak khat . Mitkuh cimni um bal lo.Zarhpi nidah tilo cu zarhkhat chung dinhni aum bal lo. Cu ti bu cun Bible rel le thlacam ahrelh bal lo. Zingle ni achuah ah cun rawl ahmin dih cang. Afa le rawl kan eichung ah lokal nak chuncaw aifunh rawl tthittha zong ei huaha lo in tuhmui asei ah ai sanh lo akal. Kumkhua zeizat rem ruam khi dah ava sau ti ah cun " Tu " le fa angeih tiang.


 Kawmhmun katuah lai Vok kazuat lai ,kazuar lai.( Kanu bia)


 A fale le cu sianghlei run kaiding kan hon si,Thingkuang chung ah zei kenret zong kan nei lo.Kanu afale ca ah lungdongh anei lo.Kha, kafale kan sifak ai tiah maw sifah cu kan itei ter lai, kan fa le kancawm khawh tuk ko hna.Kawmhmun kaupi in katuah lai Vok kazuat lai, kazuar lai Cupei a si ko cu.Cingla rualchan tthawngttha bawmchan tu kan rak ngei lo Vok hi kan thazaang tthabik  arak kanpe tu, ka bukbau chiaret kan "Bank"  anrak si tak.


 Nile thla an dir lai lo,kanhar mi caan nih a liam pi ko lai. (Kanu bia )


 Fale catang asang deuhdeuh kanu are athei deuhdeuh. Alungthin athawng deuhdeuh. Aitinh ning bang Vok zong cu mahduh ningbang in zuarkhawh cu a si tawnlo.Kanu a si avang tawn  alung retheih le a ton mi afale theih ter a rak kan duh lo ka nu alung adawng bal lo. Ningzah le mualpho zawng ah Fale ca ti in ningzah cal saruhchonh in ai chonh i Leiba cawi ah zing thla khuan in khuatung acul tawn . Khuaruat kho lo mi zeimaw nih " Nangmah lawng maw Fale cathiam cu aduh Kan neihchiah nih aphak lo ca ah pei ca kan cawn ter hna lo an ti , Bialinsa le sirhleih bianeng an thlaih tawn Kanu arim naisai lo A lalh kawh tuk.Hi ti hin Fa le hna ca ah nu le nih ningzah mual phoh nak vial te zong arak kan tuar piak Aw !Mahca cunpei Vulei mi vialte nih Mom is the best an rak ti cio.


 Kafa le cu ka thilthuam nan si,Katthi Kahlawn nan si (Kanu bia )


 Kanu cu thilttha le thilthar ai hruk bal lo. A fanu le duh lo mi poh ai hruk aih hnonto a si." Kei cu lothlo ka si.Misin chuak lang ka si lo. Zei thilttha dah ahau.Kaduh nak poh ah kai bualh pi khawh mi thil hi attha bik ko.Hmaizah zong ahau lo za zong along . A herh zong ka herh lo ahau zong ka hau lo .Thilttha le athar cu va neih hmanh ah duh poh in tthutto ngam a si lai lo, athur lai ahnawm lai ti akaruah nak ah kalung re lam athei. Kafa le hi kathil thuam nan si ko nan zia za hna atthat Ca hna nan thiam ah cun ,Cu nak in a ka dawh ter tu Zeidah a um " a ti.


 Keimah sin nan um ah cun Lothlo pei nan si lai cu. (Kanu bia )


 Ca thiam duh ah chungkhar hmunkhat um khawh a si ti lo. Khual ah vacawn ding kan si. Kanu lo kal lo in,thingphurh nak sei he afa le cu akan thlah tawn. Akir nak ding hmun tiang poh a Fale thil asei in a kan phurh piak " Kha ! Kakir cang lai ti in kan kut akan tlaih ah cun,kanu amit thli atla tawn. A si na in alung avan ican ter tthan, Kafa le kei mah sin nan um ah cun lothlo cu pei nan si lai cu ! keimah bantuk siter kan siang hna lo .Camipuai awng ding ten nan vai zuam lai, awh !. Siang inn khar a a za le cang ka in nan rak tlung lai. Kan ngai tuk tawn hna. Acaan ah cun Fa kan hrin mi hna hi zei hme attha hnem. Hi ti adang cio in va then dih hi ka ti tawn ! kanu fale ca ruah ah tthen siang lo na in kan tthen kan kaltak tawn. Mithli he atang tawn kanu cu,


Fur " Tilian Lahva" nih a kafenh lio ah ,keimah nun nak nak in kafa le phaisa kuatkhawh lo lai ka ttih deuh. ( Kanu bia )


 Sianghlei Run in Fale hna nih phaisa cah caan phaisa kuat awk um lo ah kanu Ai tengtele. A si can nak in phaisa adamh tawn. A lo chung chuak Facang asuk,avamh ,akhei Rang pakhat phurhkhim tiang. Rang in Than Tlang ah zuar ai thawh. Fur atla cang. Lai lei khuasa khuanu khuapa hna ca ah Nilin le ruah sur hrial awk attha lo. Lampi thluan chuak ruah nih asurh. Lahva a phak ah cun Lahva zong ti arak lian . Ranghe cun Hlei in kal awk attha lo. Tilai an pah. Rang nih Tihrah a chiattthat a thei lo. Kanu atha nih Tilian he Rang he achei hna lo Ti nih arak fenh. Ka nu cu zawndamh in a au . Khualtlawng le Lahva lei anei mi pa nih an rak ka chanh . Hi lio zong ah ka ruah i cu keimah tthih le nun nak cun Kafa le phaisa ka kua kho hna lai lo ti ka phang deuh . Nu le cu fale ca ah Hero an si ko.
 ( Cu kanu Ti arak fenh lio arak kan chanh piak tu kha acung ah kan ilawm ti mikha athei mi nih rak kanchim piak te u )


 Dawt nak cu A miak akawl bal lo ( Kanu bia)


 Vulei fimthiam nak sunpar nak kawlzong adih ti lo Hakkauh nak rili chung ah fale hna an i hnim dih cang hmailei lawng in zoh in kalfawm nih hnulei hercu ahar tuk korua.Aluang mi Tiva cu akir tthan ti lo anti mi bantuk in nu le nih fale sin ah dawtnak cu a luangpeng mi tiva bang ankir tthan ti lo.


 Zeituah khawhlo hnu saupi nuncu nanre lam atheih kahrang ah retheih kansiang hnalo( kanubia)


 Kafa le keimah cathiam lo hrin ngaite .Miram dang hna i nan va chuah nan va um duhdim te nan nun ti ka theih mi hi kei kai lomh nak asi ko. keimah thiltthat le Ei thawt nak in kai lawm deuh . kei tu cu kum u pat lei ka panh cang. Thih kan za ko cang. Zei pi pa tuah khawh lo hnu sau nun hna cu kafa le ca ah nan re lam kan theih. Keimah ca ah cun a ho nan re theih kan siang hna lo. Nan i nuam ti thawng ka theih hi kei mah nuamh tluk ah kai rel.


 Kan duh poh tling seh law PaThian sin thlacam a hau hnga lo.PT kan thei hnga lo ( Kanu bia )


 Kafa le nanhawi le sin ah hawihngar tuk in nanum lai karuah ah kalung kuaidih aitim. Ka Pathian pei arum tuk kocu ka ti aherh ahcun rawl ulh in thla kacam lai kaduh nak Pathian nih atlin ter lai, ati. A tu cu kanu a tar cang Amit zong khua ahliah ti lo. Thiang tthunh he lo akal ko rih. A thlacam tawn nak Lothlam chung in Fale hna ca ah thla acam peng ko rih. Fale hna ca ah intuar nak muihmai aidawh bik asung bik dawtnak Vanki le leideng tiang ahuap.


 Hi capar hi hringtu Kanu ahnu bik ka upat nak si. Kanu le kapa min hi kan innchungkhar ah an min kahnawt kho rih lo atang zungzal , Zungzal in zungzal  tiang.


An dawt mi an fale


Zite