sobota 21. ledna 2012

ASSK Noble pekding a forward piaktu Havel ruakvui





Carel huam mi hrang ah,

 CzechPresident hlun Havel ruak cu 21 December 2011 zing nazi pa 10Am ah athih nak hmun in cozah zung dirh nak ah kalpi an timh,Rangnak pa 6 nih rangleng in phurh asi lai.Ram pumpi in ni 3 chung zuunngaih nak thlahnak kan tuah lai an ti.Cawn ni 5 ni cu ram pumpi Flag thantaar zong acheu ah tthumh ding  upat pek nak ah daiten lukhun piak nak caan zong Europe ramkulh in an tuah.

Zei ruang ko ah dah hitluk in mipi nih an upat an dawtnak  an ttih zah hnga?( He is a simple man)

Alungput tlaihtleng hi " Truth and love must prevail over lies and hatred" Lih hrokhrol le huatnak vialte hi zumhtlak si mi dawtnak tu in teihna u sih, ti asi.

Ahriam tlaih mi hi dawtnak le zumhtlak si nak asi.Atu keimah umnak Zlin khua ah hin anu apa hi ralpi pa 2 athawh hlan ah an rak um. Kan umnak hi ahmasa ah cun khuate fate arak si.Thomas Bata an ti mi pa nih kedan  arak tuah i aan rak miaktuk i Europe ah mirum bik dirhmun arak phan Zlin khua hi khuate bak in khuapi bak ah minung pakhat bak nih athlen tuchun ni tiang Zlin khua zoh ah Zung le sizung siang inn kungteih tiang Thomas Bata ti lawngte asi. atu kanmah umnak inn hi a kedan siamtu kuli pawl umnak asak mi si  inn thong 5 asak.Hilio caan ah Vaclav Havel apa hi cu kedan sehzung ah cun rengsang ngai arak si, mah ruang ah cun an ngakchiat lio ah cun mirum chung an si  an ti nak si. Ralpi pa 2 nak Hitler ral nih an inn an lo an sehzung vialte an rak chuh dih hna Mirum pa Thomas Bata zong cu Canada an an zam ti si amah zong cu mirum in sifak taktak siang inn kai nak phaisa ngei lo dirhmun ah arak dirnak asi.Kan umnak Zlin khua hi Bata timi kedan hmasa bik atuahnak asi atu ah cun ramkip ah Bata kedan dawr cu hmuhkhawh si cang.

Ahngakchiat lio aton mi le atuarmi thil hna nih micung ah zawnruahnak  dawtnak ngeihding kha hinak hin arak i sem.Zei kansual tital si lo mah kutke ttuan mi thilri ngeihchiah an chuh pin hrem le thah le thong thlak te hna mitampi an rak tuar.Hivialte hi amah tuarmi lawngte an rak si dih.Angakchiat lio ah sianginn arak kai khawh lo mi lungfah nak bantuk midang atuar ingmi an um sual lai tiah atu athih ni ah hin kan um nak Zlin Siang inn ah Ngakchia sianginn kai nak ding ah tiah phaisa ahlut tiah an ti.A u pa Evan Havel zong hi Zlin ah aum ko .

Czecram Communis uknak tang ah mah duhthim nak bak lo cozah nih tuahter mi poh el khawh si lo. duhzong duhlo zong ah tuah le zulh arak si mipi lungchung tuarmi chimngam lomi vialte hi achim attial. aphuan ca ah thong zong arak tla. Tinhmi  he hmuisel arak ngei mi asi ca ah zeitin dah mipi lungthin chung ah lungthin hmunhma kalak lai ti arak tuak, Fidi lei in maw si lo ah cattial lei in maw ti arak tuak i hi aphun 2 bak in akemh  ca tampi arakt tial piahzat zukcawl hna zong ah arak i zeih ngai ve.Cu nak cun mipi theih mi ah arak cang cu hnu cu Politic ah arak lut i 1989 thichuak lo in Kadiba dothlen nak in communis tung aphur zalon nak democracy ram ah athlen. Anun nak laam tluanchung ahman mi vialte hi zumhtlak si nak le micung ah zawnruah nak dawnak he rian attuan peng mi asi.Czechram ah President hmasa bik asi, 1993-2003 tiang attuan.2004 in atu kan President Vaclav Klaus nih achan atu tiang.Vulei cung dihlak ca hmuitinh in aikhat mi covo hmuhnak ding ah forum 2000 dirh tu asi . Tukum hi kum 20 tlin nak an tuah.Vulei nih philh awk attha lo mi Pasal ttha  hrim asi.
Rule of Law aum lo ah cun Democracy timi hi sullam aum lo timi "Democracy cancer hma" ahmu tu zong asi ASSK zong Democracy rule of law achim ter nak asi

Kawlram ASSK Nobel laksawng kha amah zong pekding ah amintar si ve,Atimi cu keicu kape hlah u kanram zong democracy angah cang keimah zong kaluat cang  nu asi na in Democracy ruang ah thong an thlakmi ASSK hi pe ko uh arak ti hna ti si, Amah thawng le chimpiak nak in ASSK Nobel ahmuh nak si Cu lawng si lo in Kawlram uknak hi Peace timi  hi hnahnawh nak apek cang ttihnung asi UN nih nan zuan hnawh nan tlangtlak ahau ti kong achim tu zong asi

Tuluk ram ah Democracy hmunnak ding aizuam mi kong ah tampi attanpi adirpi tu zong asi. Tibet phungki Dalai Lama Forum 2000 camping 10 December 2011 ah asawm.Hihi athih lai taktak ahnu biak atuah ta mi asi. Asawmmi Dalai Lama hi adam lo ruang ah atong kho ding asi lo na in kava ton ko lai ati hini  Dalai Lama av aton ahmaan thlak  hi milung thin akhehkhuai nak bik asi.Ahmanthlak nih bai tamtk achim alungthin vialte alang dih.
( Kan nih Chin politician pawl vial uah an thiam tuk chonhkhawh hmanh an si lo an i dan ning)

Lybia President Gadafi thih ning kha nan hmuh cio ko lai milai ramuk tu siangpahrang si ve mi aruak zalaam tlang ah angki lo ttah tu le ruak hum tu um lo lamlai ah an hrilh thinhang mi vialte an diriam tiang zohkhawh awk in an chiah, Aw uhthih le arthih thih an ti mi cu hihi teh si lai mu kei cu kazoh ngam lo zeitluk hmanh in vasual ko seh law anupi le afale hrang ah cun Pa vialte lak ah pattha bik dirhmun ah adir ko lai anupi le afale tal cu ruakfim nak vuinak nawl anpek ding si, tiah keimah buai in ka um hmun ah karak buai aphi cu vulei sunpar lianhngan nak pakpalawng si zia, hriamnam ai bochan in mi lungthin uk atimh.
Hriamnam he duhmi lak, duhmi chuh aitim mi cu mifir le damiah lawngpei an si ko cu.

Dawtnak tlang a au hi zumhtlak in anung mi Vaclav Havel  ruak vui ah, world leader tampi nih bia an chim mi atang ah video clip te ka chiah pel lo in zohte hmanh zoh phu bak si.

Havel ruak cu Cozah nih vui an timh ralkap pawl nih hrokual ngai le rumra um ngai in an vuilai. Asi na in anih cu zeitik hmanh ah rumra le hrokual  in michonh ngam lo ding in aum bal lo. Mipi lak ah misawsawh te bantuk khin a um ve,Aluancia thla 6 hraawng ah adam lolo he akih khi aiziak lo phun si athei ko na in kan cozah rianttuan le ukning cu aduh lo tuk ve Sandah piah ah aithawh ve.Lampi ah athaw cham, atha ek in hleihlak ah ato  aidin i aholh zong aholh kho lo athlan nih apaih dih. Mah amui tekha duh acuan khun nak ai dawh khun nak si.Atu kan president hi biachim thiam emem minal vun pehpah kan ngakchiat lio ah Sihni biaceih tu cu Arnak khi arang ati khawh an ti phun khi kan President cu  kha bantuk asi. 

Atu President Vaclav Klaus hi Havel nak in kum 5 ano deuh, Havel nih Klaus chuahni ah laksawng ah  amah ttialmi ca uk apek ti si, Cu ttial mi chung khuaimaw ka ah Kei nih kattial mi katuan bia cu nangnih hloh naizuam peng hitin maw kum 5 nih hin kan thih tiang akan dan ko lai. zeitik hmanh ah hmuhkhat ah tlengkhat tthu kan si kho lai lo hi ta, arak timi biafang e an rak langh ter.

Vulei cung nawlneih nak  Power ngeih na duh ah cun  Dawtnak hi na hriam ttha bik ah rak hmang ve.Nathih hmanh ah namin anung zungzal ko lai.Vaclav Havel nun hi vulei cung minung nih kan i zohchunh ding atlak mi pa asi ve timi langhter duh nak he,


ASSK Noble hmuhding ah a forward tu video clip te hi rak zoh ve. Ca kan ttial ah cun tehte zong aum ah attha zumh tlak si nak ding ah!


http://www.youtube.com/watch?v=6ihT3AX1Aww&feature=relmfu


Zite
CR

Žádné komentáře:

Okomentovat