čtvrtek 26. ledna 2012

Ka fapa Hram Sang



Ka fapa Hram Sang, 
( CWO sianginn kaimi kan fapa Hram Sang theihtlei tiah cinken awk attial mi  atang ah aum rak zohpiak hmanh uh)

Kawlram Uk nak tuanbia theihtlei  na kan kuat mi hi record ttha taktak cu si. Mino nan si atu hi thil achia le attha theidan khawh ding ah kan pawngkam chan tiluan tampi he kaihkawh a hau.Hi mino nan lungthin hi kan hmailei kan suikhur kan ngunkhur nan si lai. Nan biapi tuk. An hring tu nanu napa nih nan duh nak hi an thei thiam maw?

Ruahding ,

Atu lio kan vulei ah Tsunami, Lihninh, Meitlang puah,Thlichia hran  le tilet thawnh, Vulei acim or amin.Minung zeizat lengluang dah kan thih. Minung kan tidin mi ah chemical. kan anhring  cinthlak mi le theikung ah chemical.Kan thlitu an thiang ti lo. Hihi zeiruang ah dah si? 

Vulei cung world leader vialte nih Nuclear power hi an power ah an hman. Nuclear nih Pathian kutzung ahrawh dih. Nuclear an ser nak hriamnam an ser nak chemical lengluang  kan vulei  an hrawh dih  phaisa tamtuk aden an hman ruang ah vulei pi ah Bank crisis achuak dih.Sipuazi vilate atlak dih nak aruang cu hihi bak hi si.100% ahman mi si.

Mah lak ah Kawlram democracy lam hmanh kan zawh maw zawh lo kan ti ah  mah le mah doh nak lunghmuh lo nak kan chuahpi. Khuale ram mah te uk duh ttung ah cun kamah kan ram hi kan i vengkho lai maw?Kawlram  tlangcung miphun lak hmanh ah Laimi cu sifak bik kan si chapbai.Hawi cu Nuclear hna an neih hnu ah bia an chim kan nih Lairal kap cu rawlhmanh mah ten aichihkhah lomi  kan si .Mauttam bomh in kan vah mi vulei pumpi theih. Rawl hal bu in zeiral dah kan tuk hnga..Kawl phungthluk ah rak tthuziar ning law rak ttha deuh hnga ka dir le ka kekiah lam mi nih an theih timi aum. Laimi kan dirhmun hi lung kamlo thlite teirial uh val rual hna timi can tilim sia bang kan i kilh aherh can asi.. Kan ttha zang kan i zumh hlan cu daiten to ah attha deuh.( Na u le pawl rakchim hna an ti hna, rak ti hna)

Kan dirhmun cu chan kan lak ah kan nau e,Hla sullam CWO ka fale karak in leh piak bal hna.Kha hlabia kha ruattthan uh tuak tthan uh.Lairam hla ciammam si khah.

Kan vulei himnak tu hi vulei cung um mi minung dihlak hmunkhat ttantti kan hau. Kan hriamnam  sernak Nuclear sehzung pi hi hrawh aherh cang cu lo ah cun kan vulei nih akan celh ti lo.Vulei le Rili an hrum an an ai cang hih, an puak dih can hih,An thin hung tuk kan celh ti hna lo an ti cang .

Micheal Learn hla " Sleeping child kha rak ngai hmanh. The world is so wild  ati khah. Ahlabia kha ttha ten rak ngai hmanh World leader kha zei ati hna kha sullam aum tuk khah  ruahding...............??????????

Ka fapa chia le ttha thleidan nak lungthin  Pathian pek mi kha ruah cikcek bu te in , Na nu dir hmun in  ruahding ah kan kuat. Na hawi le he rak ruat tti uh.

Uhpade " Law" cu minung nih an ser an duh ah cun an hloh khawh, athar an ser khawh, an remh kahwh mi si. Ni zan cu aliam cang kan tlai kho ti lo,Caan nih alanhpi cang micu ttah hnawh len ah zei attha hnem hnga maw?"Pin Lung  cachoh" Kumtampi aliam cang mi tlaihtthan  an timh mi hi, Liamcia caan nih alanhpi mi tlaihtthan timh cu "thlitu lak innsak" khi asi ko cang lai.

Cah kan duh mi

  • Pathian mithmai zoh bu in thilttha tuah i zuam hna usih."Sahngar politic Arpi ttap na sahngar nina" hmang ti lo ding ah kan duhpiak.Raltuk in teinak hmuh cu mitampi vathah khi si mitampi vathah khi kan i lunghmuih  kan i lomh kan or diriam nak asi ah cun Sahngar Politic ti mi cu kan si hnga.Hi bantuk  hi ding cu kan duh piak lo.
  • Cun ka fapa nahrial awk kan duh piak mi cu " Kinglang/Laikeng politic pawl hi hrial hna,,Kinglang Politi cu Milawr hmang mi Bawi pawl an zitmuai nak ah an lungton an i zuam an mah ca tthatnak miaknak ah mithlak hmang mi,ziknawh ei hmang mi leirawi hmang mi mihlen hmangmi khi an si An bawh nak thingkung he rongkhat si ding in arong/azawng ai thleng mi lengmang mi Kinglang he an tahchunh hna. Hi bantuk  minung hi hawikom ah rak ser hna hlah. rak hrial hna.
  • Acheu cu Hauhruang tlang ah an dir. Thazang tthawng deuh mi kha ahman zong hman lo zong ah ttanh an hmang. Minung lei hi lihchim a hmangtuk zum hlah keneh nih achim mi tu khi na rak zumh hna lai.
  • Acheu cu mahvan mi meifar or phazawngdai ceu seh tiah mi mei hmih piak ahmang mi an um.Hihi rak hmang hrimhrim hlah mittha lo hman mi hriam asi.

Hi ti na kal lo ah cun nalam tluan ah chuihpah ding tamtuk lai natlu naril zungzal ko lai. Asi na in tho tthan ko na lam kha pehtthan ko. Kawl phungthluk ah nikhat ah laamkhat te in kan kal ah cun Pagaan cu atli lo kan phak ko lai anti. 
"Tlangsang pi cu na ke tang ah rakchia te"Hihi kan cah duhmi si.,

Michael Lean To Rock sleeping child  hlabia le video  kan cabia he ai kaih taktak mi si rak ngai  ve te


Na nuzi

On Thu, Jan 26, 2012 at 3:43 AM, Fiakfairok Sang <notification+zj4ozsc=2ajy@facebookmail.com> wrote:
Fiakfairok Sang posted in CWO family.

Fiakfairok Sang3:43am Jan 26
Lairam le Kawlram Uknak fianternak tawi...Lairam le Kawlram Uknak fianternak tawi (Theihtlei)
1. Kawlram hi siangpahrang uknak in amah tein aa ukmi an rak si.

2. Laimi zong kanmah tein ramuk bawi uknak in aa ukmi kan rak si ve.

3. 1885 ah Kawlram pumpuluk in Mirang kuttang ah an rak tla dih ( Tlang cung tello).

4. 1890 hnu cio ah hin Laitlang cu Mirang nih an rak lak.

5. February 12, 1947 ( Union’s Day ) ni ah hin Shan ram pinlung khua ah Gen. Aung San nih a rak hruai hna i Tlangcungmi le Nelrawnmi hnathlaknak, minthutnak an rak tuah, Mirang kut in luatnak hmuh awk ah.

6. Mah ah cun, Laimi aiawh in Pu Kio Mang ( Halkha ) nih Kanmah holh, kanmah ca, kanmah biaknak, le kanmah phung te hi zalong tein kan i uk ding a si ah cun kan hna a tla ve ko tiah a rak ti i a min a rak thut.

7. November, 1947 in March 1948 tiang ramuknak phung an rak ser.

8. March 3-5, 1947 ni ah Htilin khua, Pakhukku District ah Diduk U Ba Chu te an rak ra i, Laitlang ramuk bawi hna kha an rak sawm hn i, nan herhmi paoh kan in bawmh hna lai, nan ram tthanchonak kan in ttanpi hna lai, hmunkhat te ah rian kan ttuantti lai tiah bia an rak kamh hna i hnatlaknak minthutnak an rak tuah.

9. January 4, 1948 ni ah Independence cu Mirang nih an rak pek hna. Cu ni cu kannih Laimi caah cun LUatnak siloin Mirang kuattang in Kawl kuttang ah kan tlak ni a rak si i Kawl nih sal ah an rak kan tlaih hram aa thawk ni a si.

10. 1958 kum ah inn hngak cozah, Kawlram pumpaluk cu Karen nih an rak lak dih i Rangoon lawng a rak tang.

11. 1962 kum ah Ne Win nih Aana a lak i “ Revolution Council “ nih ranuknak an rak ttuan.

12. 1974 kum ah Myanmar Socialist Lansin Party nih uknak an ttuan ( Ne Win cozah tthiamtthiam)

13. 1988 kum ah Kawlram mizapi nih Socialist uknak duhlonak le Democyacy uknak langhternak an rak tuah.

14. September 18, 1989 ni ah ralkap nih uknak an lak i, SLORC (State Law and Order Restauration Council) tiah min an i sak.

15. 1993 kum ah SPDC ( State Peace and Development Council ) tiah min an i thlen tthan.

16. 1990 kum ah Awngsan Suh Kyi hruaimi NLD party nih election ah teinak an hmuh nain an pe duh hna lo.

17. 2010 kum ah USDP an kai Thein Sein nih President a ttuan.

Fiakfairok

Žádné komentáře:

Okomentovat