Poem



2012 Father day- kapa ngaihnak




                  Pacan Pasal                                           
                                     (Hluanku pa)
Chuahsempi le, rual hawi hna cu
Chantiluang ah, pafa dawtnak
Zeital hmunton, um rih ai kon
Kawl leen tthan hna, nihin ni cu
Nunnak hnu hmai, her ciammaam in.

Pacan pasal,  hriamhrei phaw he
Ram sahrang le, tupi lak ah
Chungkhar sican, siang ah chuang in
Khuazung hrawng tawn, baat hngal lo in.

Dumhau kam ah, Bung kung na cin
Innpawng vel ah, hreeng kung na cin
Satil arva, nufa rual hna
Lungngam in bawm, an rak hluum tawn.

Sakhneem run inn, tthintthang cung in
Sakthlaam pilmim, tlaitlaan cung in
Khuaram tungtai, sumh na tah tawn
Chan Lailing ah, pasal ciammam.

Ulo thereng, Cilio va nih
Tlai ni neem cun, lolam tluncu
Khuazung hlam u , ti’n zai remh tawn
Kei bel langlo, khua chin tluang ah
Birh hngal lo far hmui bang, tartahaak in.

Tthing riangmang cang, kan run inn te
Kan ttumbut le, kan chumtual cu
Hlawt cia puan bang, buar kai cang hna
Ruun hluum inn hngaak, ningttih hruai in.

Pangpar tizu, tlaan va run rual
Faruahthawh i, atthawl hna bang
Chantilian nih, chungkhar dawtnak
Tlanghra dan tiang, a tthek dih hnu
Tlainineem ah, dawtnak bultan
Zeital char awk, um ti hnga maw
Ikawl seek hna, fale rual nih
Nihin bantuk, Father’s Day ah.












Pathian thlarau




  
Chimthli bang hrang tthan law van thlizil
Van lei tthawnnak laksawng phunkip he
Thlarau mei cu rak kan kau piak in 
Vaan holh cu thiam colh ding in kan cawn ter
Penticost ni sung lawi ah hin.

Vaan lei in tthawnnak atlung an ti
Thiangthlarau cu mei bang a tlaan i
A hrin thluahmah hna Khrihfabu
Khuazakip ah an karh i
Van tthawnnak tehte khaangtu
Zuumtu van hrin fa hna cu
Lomhnak hla an isak i
Zumhnak ruahchannak le dawtnak he
Zungzal lei  fuhpanh ding in
Van calendar thar an rel cang.

Penticost ni ah hin
Lei le vaan chung leng ai let
Thiangthlarau a ttum lio ah
Pathian sinak cu vaan ah
Judah nih an biaknak phung
Zeentel nih an lawkih phung
Cuarpar tan he tan lo he
Ulh le alh vialte an lo
Jerusalem puanzar zong
Sual lanhtaak puai ah an zar
Vaan lei khua awng a pem i
Thlarau fingrei thar acat
Hnu lei kiir tthan zaal lo in
Deng teo i Khrih ai zoh chih mi
Adongh tiang a zuul mi nih
Cu hmun cu an phaak tak cang.

Penticost Thlarau thianghlim
Kan leng tthan ni hin nihin ni zong.
 (Hluankupa)





KANU TTAH NAK  


Rak kan chalh u dawtnak ruang hi
Kan ipheh lo, kan rak tlinh lo
Kanu dawtnak, suum a tah kho
Zei hen um hnga, kan thei lo e
Vanrang toi ah, chuahpi phu ko.
Manh lo ngai in, nai chok leen tawn
Vailam zalam, na lampi ah
Ttaam hal rit phur, um sual ai kon
Dawtnak tlaam te, na sak chom i
Zang hlei na cawi, kut na samh tawn.
Thlarau tirawl, na chuanrawl bang
Zingzaan na kan, dangh tawn le
Dawtnak chuanchang,  camping crusade
Thihthlaak roca, na ti mi kha
Kan philh lai lo, van phaak tiang in.
Khuaza na cuul fale caah’
Tum ruh ngai in dokip na cawi
Thlaza cam in, ni na leng tawn
Thluahchuah bongmal, za hal pah in.

...............Hluanku pa)





    9 March 2012 Snow

Rang chircher snow nih
Hnah umlo thing kung 
Phunglo par in apar
Chunghlan lo lengphaw
Par rang an par,

Van khi ka zoh 
Khuaika zawndah
Mit hmuh lo factory
Snow seh ngei tu
Ho ko dah si? 


Caan tlawm pal ah
Thli ahung hrang
Van a hung thiang
Ni  a hung  tlang
Khuaruah ahar 


Thli a hung hrang
Khua a hung dawm
Ni khua a chia
Ruahpi  asur 
Ti rawl an ser 

Vaw lei minung
Zuuva saram
Ti um nga le
Thingram viate
Nunnak pe tu

Kathaw hi Pathian thaw
Vanruah hang in
Tirawl a kan pek
Kanun hi Pathian
Keicu tlak menmen....


CWO kan fapa Hramsang, Cafung min Fiakfairok nih 
Poem atuah mi tete asi.



"Ka Hawittha Bik"


Kei lawng ka vai, khuaci ka mui

Mitthli luang in, zuuntuar lio caan

Ka pawngte ah, ngaih nuam awcawi

Phai dakmak in, ka reikiang ah



Ka thluak a tlau, ka mit a caw

Khuaci mui in, ttektlak lio zawn

Lungthin ttha bik, vanmi khi bang

Thaizing ka caan, tharchuahpiaktu



Hawikom ttha bik, nang ka rekiang

Zingnu chiahpiak, nang ka vanmi

Hawi ka hngar lo, ka mit vai lo

Nang kaan ngeih hi, duhtin tling hlei





                                                       CWO family.
"Nang Cu Kei" Nang cu kei, ka hawittha bik Ka...
Fiakfairok Sang 4:59am Mar 6
"Nang Cu Kei"

Nang cu kei, ka hawittha bik
Ka mitthli luang, khua muih zawn
Kut nem dakmak tein a ka tawng
Ruahchannak a ka serpiaktu
Nang cu kei, kei ka vanmi


Nang cu kei, ka hawittha bik
Ka sakmi inn a rawk caan ah
Fial hau lo in a ka remhpiaktu
A chanbaumi a ka chiahpiaktu
Nang cu kei, kei ka vanmi


Nang cu kei, ka hawittha bik
Kaa lawmnak, minmei bang in
An tlau duahmah lio caan zawn
Daihnak mithmai a ka hmuhtu
Nang cu kei, kei ka vanmi


Nang cu kei, ka hawittha bik
Pathian nih pekmi, nang ka vanmi
Biahalnak um lo, nang ka hawi
Ka thih tiang in kaan dawt ko lai
Nang cu Kei, kei ka vanmi

Fiakfairok
Note: Ka hawile nan dihlak caah ka ttialmi a si. Zeitluk in ka caah nan biapit le kaan herh hna tinak le zeitluk in ka caah nan sunlawi timi langhternak caah a si. Pathian cung ah kaa lawm i, ka hawile nan dihlak cung ah thluachuahnak tlung hram ko seh.

Fiakfairok Sang 4:12am Feb 17
"A Biapi"


Dawtnak le duhnak hi

Tampi nih cun mu

Aa khat in an ruah



Siseh kei bal nih cun

Dawtnak cu lungthin

Duhnak cu kaa a si ka ti

Minung nunnak cu
Tlang bingbo bang
Zei paoh te hi
Kan tong phun si an ti

Kei bal nih cun
Tlang bang aa bingbomi
Kaan caan te ko hi
A biapi tuk ka ti

"Ka Far Nang Sin" Lainu ka far, ka thisa hawi...
Fiakfairok Sang 11:13pm Jan 31
"Ka Far Nang Sin"

Lainu ka far, ka thisa hawi
Kaan upat, kaan zohthla
Kaan hmaizah, kaan cuanhhlei
Kan in siang lo, na tta le nih
Kan i dawt tuk, na thisa nih
Kan i tlaihchan, na hawile nih

Ningcang lo in, an in tuah ah
Laipa na tta, kan celh ttung lo
Na chuahsempi, kan kut a ther
Kan lung a fak, kan ngaih a chia
Kan thin a lin, kan pum a zaw
Ka thluak a mit, kan rai a tho

Atu bal ah, zeidah na ruah
Nangmah te in, chiatnak na panh
Kehlei na panh, nuamhseih na kawl
Vapual na hlawt, langak naa thim
Ka har ruang maw, na duh ruangdah
Hi tin na um, khuamui lakah

Kan celh hrim lo, kan tuar kho lo
Lungthin a kuai, molh kan i tim
Kut hler awk nih, aa dawhcah lo
Ka far kaan chimh, ruat ve cang hmanh
Na nu na pa, mitthli bal cu
Tlakter ti hlah, i mer cang law

Halkha lei kan fale cheukhat thawngpaang ka rel dihka ah ka ttialmi a si. Ka ngaih a chia ngai. Ho palh dah a si hnga? Ka ruat kho lo, ka lung a mit. A poi taktak. Pathian tu nih kan ngaithiam sehlaw, hmailei tu ah tuah ding lo ding in kan hruai hram seh

Kapa
                                              
Chuahsempi le, rualhawi hna nih

Pa min char in, nunnak sullam
Lei ro vaan ro, khing thlai leen hna
Puan bang an thar, Pale dawtnak.

Pa can pasal,  hriamhrei phaw he
Ram sahrang le, tupi lak ah
Chungkhar sican, siang ah chuang in
Khuazung hrawn tawn, baat hngal lo in.

Dumhau kam ah, Bung kung na cin
Innpawng vel ah, hreeng kung na cin
Satil arva, nufa rual hna
Lungngam in bawm, an rak hluum tawn.

Sakhneem run inn, tthintthang cung in
Sakthlaam pilmim, tlaitlaan cung in
Khuaram tungtai, sumh na tah tawn
Chan lailing ah, ro ling ve tawn.

Pangpar tizu, tlaan va run rual
Faruahthawh i, atthawl hna bang
Ram tin par tlaan, fale rual nih
Lungkil hlam tawn, ruun hlumh lio kha.

Ulo thereng, Cilio va nih
Lolam tlun cu, khuazung hlam cang
Ti’n zai remh tawn, tlaini neem cun
Kei bel birh thiam, lo Farhmui bang.

Tthing riangmang cang, kan run inn te
Kan ttumbut le, kan chumtual zong
Hlawt cia puan bang, buar kai cang hna
Ruun hluum inn hngaak, ningttih hruai in.

Saduhthah khi, ham thiam ning law
Lungleen zai he, fing kip cuul in
Tiking thereng, Thankawng Fiakfai
Zai ka zawn hnga, Pale dawtna
Vaanmi hnemh khawh lo tiang in.

Pi Sung Khun (Sung Len Tial nu)Sih Cang biazai


Duhtlong zarepnih duh in lalkaw
Sianglonh val hna
Tilim sia,bang kilhhna ramlian ah,

Valttha hna nanawl lunglai ah
Sunghno run inn chia ai uh
Hrinhniang ngalzuh phang ai uh

Thawnghu ngunlen ramhlum valttha
Amu amat sunghno nanu bukbau hlumtu
Asi kha mu philh hlah mu

Khuacuan talaw hmunsang bikin
Sunghno nanu ttamdawn taihrengin
Rialti bang zurmitthli kumluan in

Asur thlulo atlangthlu lo
Atuarnak run inn cu,
Ankhuh ttheu lai fadawt rual nih
An hnemh ttheu lai ,hnukthlum dinh tu

Lungthli kaconh saduhthah tlinhni
Hrinhniang rual runhlam laini
Hruangbang tianglai valttha hna
Edenthar kanhluan lai ,kati.

Kanbiak zingnu kanbawm hram law
Thluachuah bawngmal kan vorh,tibang kan luanh law
Kan khuazung libang e,suang seh kan lairam.

Laipupa holhthuk biafangdawh a sullam tuak ding mi,
1.Duhtlong zarep-----------------------------Ralkap cozah nih an duh poh in nawlneih nak he mipi an kan rep
2Tilim sia bang kilh--------------------------Siakawng arak teitu atei kahwh hlan ai kilh aicenh thau lak in
3.Nanawl lung lai ah-------------------------Tinhmi neih bu in lungchung teiman thluk rial
4,Hrinhniang ngalzuh phang ai uh.--------Kan tuchin fapar innrep lo ah ttuangawng ah an ngal azut lai phan
5.Thawnghu ngunlen ramhlum val--------Kankhua kanram ah nguntangka ngei minthang valttha kan um lo
6.Amu amat-----------------------------------Phaisa nek ngamu, tamat lawng nih
7.Bukbau hlum-------------------------------Kan bukbau kan thingkuang an hlum an hngak
8.Nanu ttamdawn taihreng----------------Nanu cu rawlttam ttung rawlei awk ngeihlo ruangah puan atai aimen
9.Rialti bangzur mithli kumhluan--------Kum le khua in mitthli  aluang zungzal ko mu rialti bang
10.Hrinhniang rual runhlam ni-----------Fale hna an tlikzam vaihvah nak in , inn antlun anhlam ni.
11.Hruangbang tiang hna lai-------------Fanu fapa nih kilhkamh, dirkamh,Hauhruang bantuk in saral in ven
12.Eden thar kan hluan lai---------------Pathian sermi Eden dumbang kan herhhai le kanduh atling lai
13.thluachuah bawngmal kan vorh----Saduhthah hmuitinh tlinnak ah kanbiak miPathian kanbawm law
14.Ti bang kan luanh law---------------Nathlauchuah bawngmal  na kanvorh mi nih tilian bang kan luanh seh
15.Khuazung-----------------------------Kan semnak kan khua kan ram
16. libang suangseh.........................Rili pi bang vun i suang seh mithmuh dongh vanhram tiang

Theihthiam ding ah Hi biazai tuah tu hi laica tangli , fa paruk anei mi asi.Atu Malaysia ah palic ttih bu in chungkhar he khua an sa.Biafang hman mi theih duh mi a um ah cun amah nih an leh hna lai.




> I Ruat Tthan Rih

>

>Chin ram um lio, nikhat chuak kaw

>Nikhat ttuanmi, nikhat ah ei

>Kuang chung phaisa, pia khat um har
>Taw tlek nawn in, lenti celh kha
>Nu le pa hna, nawlngaihnak tang
>
>Kan ram har ruang, Malay kan panh
>Tangka ngeih lo, Malay kalnak
>Kan ngeih sattil, lopil zuar in
>Malay kan phan, zei hngal lo in
>UN kan ngah, US kan phan
>
>Ngakchia hna nih, ram dang nun cawn
>Mah phun zuar in, dangphun caw ai
>Laiholh nakin, US holh cu
>Uar deuh hna ai, kan laiholh cu
>A kiken ah, chia hna ai hna
>
>Nu le pa bia, ngaih ti lo in
>Duhtin tlong hna, hnangam thluar in
>Van sik deuh ah, palek in maw
>Nupa tlerh hna, zah hngal lo in
>Laifa lo bang, vakvai hna ai
>
>Thazing chuak lai, ti ruah ttung lo
>Tuni ca lawng, thluak chung ah rawn
>Hmaile philh in, caan hmang ai kun
>Ram dang kan phan, uah in i lak
>
>Kan lai hmelchunh, vapual nun dawh
>Sining philh in, liam ding hi cu
>Sian nan umlo, laifa dawt aw
>Sining philh in, Langak in khin
>Mah hngal lunglawm, vapual si tuah
>
>I ruat tthan rih, na no lio ah
>Na ruahchannak, na thlen khawh
>Na hmancia caan, na thleng kho lo
>Tuni na caan, thazing ah maw
>Hman sual lai ci, na tla sual lai
>
>Thazing na caan, tuni ah cun
>Hmang sual hin hlah, na tlau sual lai
>Na holh daw law, na ca cawng ve
>Na ca daw law, Lairam philh hlah
>Na phun daw law, a tthangcho lai
>
>Tin sunghno nu, Lai Ram nih ee
>Mitthli tla in, siang lo ruangah
>An auh peng ko, rung kir cang ko
>Maw Laifa dawt, vapual nun dawh
>Laimi hmelchunh, tlau hin hlah law
>
>Lunglawmhnak tampi he
>
>*Fiakfairok*>





Va pual na van ttial mi bia zai cu a din deuh cu teh fak deuh deuh in

van ttial law a ttha lai.

Mi ram dang ah fak deuh deuh in i tongh kan hau ko.kan lo ko kan lo

ko.Mah hngalh lo hi vu lei cung ah a fak bik mi a si ko lai dah.Tilim

hmanh nih a tlon nak ram a philh lo tiah kan lai pu pa hna nih an ti

tawn mi cu chan thar mi nih kan hngal ti lo.Mi no nih an ral bik nak
an hman bik mi fb ah van ttial law a ttha lai.
Mi phun ca ah ca par na ttial kho peng ca ah na cung ah lomh nak
tam pi ka ngei ve kei mah pum pak in.
Salom.
No


Kan mah right e, cu e kha e

an kan ti i, kan lo bak hi

ram 3 nak fa, kan si lo ma

an ti hoi hih, kan ar ko hih

u le deuh zah, cu hei chim hlah

nu le pa le, pi le pu he

an kan zah lo, chimh an ngai lo

e-mail an ti, on line an ti

an tha a thu, dei tiang an tthu

hei caak men ah, zei hngal lo tiah

an hei kan raak, kan lung a faak
mi nawl an cawng, Lai nun an nawng
Lai an si mi, an zah pi i
mi rang holh i, naal dek mak i
hei holh len khi, an uar hoi  i
kan tlau cuah mah, ti zong hngal hlah
an mui sam le,an pung saan he
an zia za cu, ka chim lai mu
aa kaih bak lo, an i hngal lo
a si nan mu, ngaih chia hlah uh
chan ti luan si, ti hau ko hi
ti tu khin mu, i hnem sih mu
na nu min ho? na pa min ho????
Robert si lo, John zong si lo
Lai fa an si , ti mi tal khi
hngal peng hna seh, ti ka duh eh.
Kai manh deuh i umhar pheng ah kaan dangh hna.
Vapual.


တို့ေဖေဖ

စားဝတ္ေနေရး ၊ ေငြရွာေပး
ေက်းဇူးႀကီးေပ ၊ တို့ေဖေဖ။

ကိစ မ်ားၿဖင့္ ၊ ေပၚေပါက္လွ်င္
စီရင္တက္ေပ ၊ တို့ေဖေဖ။

အိမ္ေတာင္ အေရး ၊ စီမံေပး
ေလးစားေလာက္ေပ ၊ တို့ေဖေဖ

စဥ္းစားေၿမာ္ၿမင္ ၊ ညဏ္ နွင့္ယွဥ္
ပဲ့ၿပင္တက္ေပ ၊ တို့ေဖေဖ။

နိုင္ငံ့အက်ိဳး ၊ တို့အက်ိဳး
သယ္ပိုးနိုင္ ေပ ၊ တို့ေဖေဖ။



Žádné komentáře:

Okomentovat