pondělí 16. ledna 2012

2,Session For Nurses Web

Nurses kahawi le kanau kan fale hrang ah,

Session for Nurses Video he Nusing care Mizaw  thlop nak asi abiapi taktak. Kawlram kan cawn mi pawl hi thilri kan nei lo.Miram dang Nurse kan ttuan tik ah an thilri hman kan thiam lo .A Seh le thil ri hi amin hrim chin chiah lo ah cun rian kan ttuan kho lo.

Kan i harh bik   mi cu Intrument pawl le Machine pawl handle hi si. Sizung mizaw thlawp ning cu sii aikhat ko na in kadang  ramah cun Spo2 monitor hi ABG result zoh in kan tthumh kan kai ter, O2 ,Flow meter hi aphun tamtuk Kawlram sizung ah kum 2001 ka um chung ah Rangoon sizungpi Intensive Care Unit kattuan lio zong ah kan thilri atlamtling lo.Center venous pressure ( CVP) tah nak tu cu kan nei. Zero level kawl nak kan hman mi hi , miram nih kan hmu hna seh law an nih chuak tuk lai,Kan hman mi respirator pawl hi paramount company ta si. Hi an company hi aum ti lo ahman hrim an hmang ti lo

 Ramdang Intensive care rian kattuan tik ah Hourly monitor kan tuah dih. kan mizaw kan ronh feeding,sii, blood, le drip,cun achuak mi out put zong hourly in chat down  ballpen asen, anak, ahring, le correction pen nichiar kan hman  . Kan workshit akauh hi atung ah pe 2 avang ah pe 2 le cheu hi hihmanh hi kan mizaw azual ah cun collumn kan i za tawn lo.
Nilin lak rianttuan si ttung lo ah cun ahar tuk caan tampi aum.Hi kan chat ah hin mizaw  hi monitor he connect kan tuah dih, Spo2, Resp, HR.BP le ECG hi kan monitor piah ning in hourly in chat  ah note kan tuah.  Kan mi zaw concious level Coma scale khi kan note dih.Normal level nak in attum ah cun Dr Inform kan tuah colh.

  • Drip pek zong ah nazi pakhat ah dor zeizat in kan ronh lai ti kha computer  ah a um miseh in kan pek.
  • Bp attum akai tik ah Syring pump kan hmang i seh nih si akan ronhpiak hi ah hin atuakning um mizaw body weight le tung sanniam cung ah tuak in si ronh asi. Zunthlum hrang sii ronh nak ah hi Syring pump hi kan hman.Zunthlum hi hourly in an kutdong  thi kan lak i kan chek peng, cuning cun sii hi kan ttum kan kaiter.
  • Ramdang ah vitamin chunh aum lo. hihi Kawlram he kan i dantuk nak si.Mizaw nih an kaa  in a ei kho lo mi asi ah cun Renal profile an ti kan chek mi apum nih aherh nih te in Pharmacist sin ah order kan tuah piak an mah nih athi zoh in an rak kan tuah piak dih hnu ah. 24 hour chung hman ding khin an ka kuat, Tuchun cu um ko seh thaizing ah ti angah lo.Date kha zoh in pek si. Minung pakhat  ca hi midang ronh angah lo.
  • Lungfim lo mi kan mizaw hnar in Ryle's tube feeding kan pek tik ah kawlram ah cun  soup hang le buh hang kan hman bik. Kadang ram ah cun Mizaw hnarronh ding hrang tuah mi aum ready made hi kan hman aphunphun mizaw an zawt nak min leih in hman awk aum. Khuaruah ah hin lung afak kan i thlau tuk. Hi zong hi nazi pa zeizat chung ah cu zat na ronh lai ti aum Feeding pump tthiam kan hmang ko
  • Intensive kan mizaw cu an dihlak in ngakchia zundan an hmanmi bantuk  hi upa pipi  ca ah kan hman dih.Aman fak taktak.U rine bag hi aphun tampi aum.Hourly monitor aherh ah cun kan hman mi aidang meassure ment aum mi kan hman. Thilri hi kawlram phaisa cun tamtuk man lawngte asi. 
  • Hospital Censat , mizaw akai thar mi, sizung ttum mi. transfer kan tuah mi . athi mi nichiar  computer ah kan tun dih. hi kan rian kan lim lo ah cun  kumdongh tik ah akn mark atlawm lai,Mark athlawm ah cun next contract  peh le peh lo ah  kan rianttuan resulh zoh si.
  • Team leader hi kan i thiah cio.Hi team leader kan tuah caan ah hin kan thilri ngeih mi vialte an tling maw tling lo, an rawk maw rawk lo ,Sii kan i za lai maw za lo indent a hau le indent kan tuah.Mizaw thar pawl hrang in Sizung an luh register no a luh bak in dietician sin ah an rawl ei ding order kan tuah piak hna ,Sizung kan hmaan mi mizaw angki le bawngbi le ihphah khuh hi nikhat vuikhat kan thlen hna Loundry thilsuk nak ah kan kuat , kan kuat mi cazin ning asi le si lo chek.O2 cylinder kan chek dih. kan i harh bik mi cu sii kan ngeih mi date an luan maw luan lo ti si. Date aluan mi cu Pharmacy ah kuat tthan dih si.Emergency trolley  Safe life tuah nak si. hihi kan chek dih kan seh pawl an  i hmang kho maw hmang kho lo kan chek dih.DC shock tuah nak  machine test kan tuah nak khi tehte he min kan thut i note kan tuah. Kan caan le kan ttuan mi hi atamtuk caan kan  za tawn lo.Hand over pek kan duty adih kan rian kan lim lo ah cun kan mithmai hi a achia kho tuk tawn Duty a kan thleng tu hngah hau ding kan si ah cun lungre theih phurh pi khat he  kan thlan nih a kan paih dih tawn.
  • Mizaw thaw kan pek nak seh Respirator pawl hi kanmah ward ah kan i chiah lo mizaw nih aherh asi ah cun  Seh thilri vialte chiah nak khan ah inform kan tuah an vun kan kuat colh. Hlan duh lo ti aum lo.Kawlram ah cun wardkhat le ward khat thil ri kan i hlang kho lo.Sii zong kan ward ah kan neih lo mi si ah cun kan sizung asi poah ah cun khuaika ward poah ah  hal khawh an si. Kan mizaw R/N kha  sizung ah luh cia asi cang mi cu kan siizung  aum mi thil poh ahrang ah hman khawh si.
  • Thi kan chek mi hna  aresulh hi Lab  nih computer ah an rak khumh i zei bantuk mizaw si zong ah Mizaw Register number in  computer chung ah kan zoh khawh dih.
  • Kalttawl nak bel hi aman fak tuk. Mizaw achung um mi zong kal ttawl nak hi mirum si lo ah cun afawi lo mi si.Kal ttawl nak seh zong hi kan mizaw nih  aherh ah cun kan handle ahauh caan aum  kan i harh tuk caan tampi aum.
  • Nurses pawl cu kan rianttuan nak cu Zinglei duty,Zanlei duty.Zan duty tiah  ship 3 kan ttuan mi hi cu kan ikhat dih ko. Hand over pek hi kaa in ipek si lo kan report ttialmi he i pek si. Kawlram ah Nurses Report kan ttial lo.
  • Intake le output kan tuah mi vialte kan fonh ta lo ah cun Hand over kan i pe kho lo.An lehkhan lo.
  • Intensive Nurse cu mizaw hi  staff pakhat nih mizaw pa 2 incharge kan tuah.Hi kan rules hi mizaw nih an thei thiam lo. Kan hawi le mizaw nih ti din akan hauh ah , eiding a kan hauh, aherh mi pakhat khat aum ah Incharge hal ta lo in kanmah nawl in mizaw  duh mi kan tuah piak kho hna lo.Aruang cu amah incharge tuahtu lawng nih Dr order kha fiangten atheih  pek ding le pek lo ding kha kan theih piak lo ruang ah si. Mizaw nih akan bawm duh lo tiah an kan ruah zungzal.
  • Intensive mizaw cu mizaw zual taktak athih nun hi 50% lawng asi mi deuh kan zoh nak asi. Abik in mah ten athaw tlamtling achuah kho ti lo mi pawl thawhchuah nak seh( Respirator) in thaw kan pek mi hna si. O2 pipe line hi full bak in an kan pek,Rangoon ah cun O2 cu  ramdang bang duhtawk in kan hmang kho lo  zan duty kan ciah ah O2 pressure atlak caan ah cun aran nak in O2 tavuan ciah mi kan chimh colh hna cu lo ven ahau.Cu loa h cun kan mizaw cu O2 lo cun nazi pakhat hmanh anung ding asi  lo.
  • Intensive  ward zan duty kan ciah ah Dr hi  mehse saza( Anaesthetist) hi an chiah hna.On  call Dr pawl poh nih mizaw Emergency aum kan auh hna ah tlolh lo ding in, Pager hi ward nih an pek cio hna, Pager kan call mi aum ko na in an rat lo ah cun tazacuai khawh an si.Ramdang nurses pawl nih kan i harh bik mi cu hi bantuk mizaw zual kan ngeih i mizaw hrang phone call le mizaw kong chim hi asi tawn.
  • Hi kan rianttuan nak hi HUKM  Malaysia sizung kan ttuan ning si.HUKM  Hospital University Kebangsan Malaysia ti si. Asean ah ram ah Sibawi tambik ca an cawn nak asi. WHO kut tang ah aum mi si. Siang inn hrang thilri hi atlamtling tuk. Sii hi  atam tuk. Mizaw hi sii tamtuk din ding kan pek  tawn hna  i an thin ahng zung zal.Nan si pek mi atam tuk rawl kan ei kho ti lai lo kan paw akhim an kan ti tawn. ( Aw..Kanram vial ah mizaw sii kan pek kho hna lo nganfah an tuar ti mi ka ruah ah lungfah tuk tawn) TB mizaw hi free in sizung an kai.Zuunthlum zawtnak si pawl hi mizaw thla 3 ca kan pek mi hna hi,An duh lo  an ti an  rak akn khirh tawn.( Kawlram Lahapin sii dawr thil vialte hi kuaika ah dah an lak hnga,  khua tamtuk ka tuak tawn.)Lungthin put hrim hi kan sifah ruang ah si rua kan rak i dang dih. 
  • Opration kan tuah mi han mizaw hi Pain center aum i cu hna nih cun afah an theih lo nak hi an mah nih tavuan an lak, kan mizaw cu Anmah  nih an duh poh an hmeh ahman khawh mi afah dam nak sii khi anmah kut ah chiah piak an si.An duh zat in anmah   ten hman kahwh mi hmeh khawh mi an kut chung ah kan pek hna. Asi na in Dizapen 10,5,2 pawl hi DDA an ti mumkhat te kan thlau zong ah police nih chek kan si. ttih anung tuk.Kawlram he kan i dan ning cu chim awk um lo khi si. Rangoon sizung ah vuikhat kamizaw cu nikhat pek ding mi afah damnak sii ahman hnag ding kan pek dih hnu ah afah atheih tuk  Staff kahn ah ara. siichunh ding akan hauh rih.kanchunh mi hi Morphine asi dur 2 pin Dr nih ape lo.Aka hauh tuk, Aneih hrim khi kan ngei lo. Katuah kahwh mi aum ti lo  kan bawmh kahwh mi cu attah in dah kan ttahpi ti lo cu ka rak ti bal.
  • Ramdang ah Nurse ttuan le kawlram nurse ttuan cu aidang tuk.Sai Htee Sai hla sezung zohtai le nurse mah ttwe kha hoh tthoh de ti kah si. Ramdang ah cun Siizung mizaw hi free in thlop asi lo.Aman pek hi Anmah local mizaw hi RM 45/day si.Foreigner hi RM 65/day kan lak hna.Mah phaisa man pek kaimi an si tik ah, Duhpoh in rak le chonh an ngah lo. Bia ka khat chim palh ah Hand phone an kut ah aum dih  an kan report colh. Mizaw chonh biak hi abiapi tuk.Mileng luh caan hi zanlei 4pm ah asi. mizaw umnak akawl mi hi nichiar an um peng. mizaw an kawl mi amin an chim khawh poah ah cun computer in kawl piak an si.Zei tluk kan i manh lo zong ah kan i manh lo ti angah lo. ttha ten an kawl mi mizaw um nak chimh  an si.
  • HUKM hi keimah kattuan nak si ruang ah ka fak si lo in phung lo um miphun vialte hi tamtuk an thlop an bomh hna, acaan ah cun an hmai kakhap bak hna lo. aholh hmanh ka holh ngam lo.Khua an ruat tuk.HKUM  mi cu tin abomh hna ti an theih cun kan Laimi tamtuk nih an rak fuh hoi , Vuikhat cu luarpar nan kai an ka ti an ka sik.Cuhnu cu  HUKM laimi mizaw hmanh ka zoh ngam kaleng ngam ti lo. Kan luan tuk  apportunity kan ngeih mi hi ahman kan thiam lo.Sifak taktak an bomh hna h anung kho rianttuan kho lahkhah ttha pa zong nih free a duh ve, kan poi nak bik asi.
  • Chuahsual  cik cek , Vuikhat cu laimi mizaw cu mi passport arak hlan mi in ahong kai. Ahman mi passport kha HUKM ah arak thi cang mi pa ta asi. Mithi cia ta  kha avun hman tik ah Information hi arang kho tuk. Mithmai chiah nak  kan ngei lo. Vai pheh leen sih law zeidah attha hnem tiah asii ning ten  kan chimh  tthan hna i an kan theihthiam akan ruah thiam ko.Ziah tiah cun Mifim cu thil an tuak tan kho tuk. Mifim cu an hrut lo ti nak si.
  • Vuikhat cu HUKM kan mizaw cu anung kho ding si lo tik ah anupi le afale hmuh lo kha acelh bak lo amah nih kawlram tlun ka duh ati. Air ticket hi baui ngai Ambassy he chonh hau asi. kanmah le kanmah kan holh ngam lo  kan Dr te lawng nih an tuah ,Hibantuk caan ko ah ah Ka upat tuk hna, Sizung nih tlunnak ding aherh mi an kan tuaktan piak dih  Vanlawng  zuan nak hmun aphak tiang an kan bomh, Hitluk miram dang nih an kan tuah piak mi Rangoon Airport aphak ah mizaw thideng cu an tlaih ti  arak si, Kan Dr te nih zeitin  kan mizaw aphan cang maw tiah an ka hal, Cu ngai cu chim ning zak khi si ko. Miram nih an kan bomh mahram phak ah mizaw thong atla ti cu. Kan Dr cu ka vun chimh hna an ka cu zeibia hmanh an chim lo an lu an lei. umm  an ti.
  • HUKM sizung kam ah hin Dr acawng lio mi bawda aum. cu hna eiding pawl zuarnak ah hin zu aitel mi pakhat hmanh aum lo. Kuak an zuar lo.An eiding mi hi Dietician nih an ngandam nak he aikeih cem ding in a tuak piak hna hnu ah an chuan ter mi han asi. Miram an tthancho cu hihi si.Siang ngakchia hrang zulhding phung an ser mi attha tuk. Cawn tlak tete tampi aum.

2012  Kawlram Democracy Zauk khuakhan nak kan hmuh ah cun Ramdang Sanction an phihmi an on ah cun Sizung rianttuan mizaw zohnak ah kan kut abeu ti theng lai lo , WHO organization nih a vun kan bomh ve lai, Mizaw ca zong si seh, Mi zohkhenh tu Dr le Nurses pawl hawiram level in rian kan ttuan kho lai tiah ka zumh.
 Caan ttha a um ah cun  Nurses kan fanau le hrang ah tthathnem nak um ttheu lai tiah ruahchan nak he.
Kawram ka hawi le nurses pawl nih rak zoh ve hna seh ti  siaherh nak he. Session hi sawm 40 leng aum cang Siizung kan herh mi cu atling dih ngawt ko.
Hika

http://www.dearnurses.com/

Zite
Czech Republic

Žádné komentáře:

Okomentovat