3,Kawlram achungthin ramkhel thlihran

Shan SSA le cozah i hmasa bik remdaihnak  min thu mi an si.

An hruaitu an tthawng an fel,An i zuam nak mipi an lung fiang lak in an chimh cawn piak khawh hna,Europe um mi U Han Ngawng Shwe Zuam nak asi. Hipa hi Shan Sawbua Saw Shwe Teih fapa asi. Mipi cal hrinsor an si. A U nau hi SSA ah hruaitu dirhmun ah aum mi an si.An u nau pakhat hi SSA  ralkap attuan  an ram le an miphun ca ah a nun nak tiang aliam ve mi hna chung an si,

Hi Shanram mahte uknak an duh ruang ah anchung khar unau rual an rak ttang ngaingai. Kawlram ramkhel rian zong athei ahngal ngaimi an si. Anmah bantuk asi mi chung U Han Ngawng Shwe nih Cozah hi kan i komh lo ah cun kan dirhmun a si kho lo ti fiang ten ahngalh.Kan i doh kan i kah nak in cabuai cung ah hmaitonh biaruah ahau. Kanram si ning nih aherh ning in kan kal ahau. kanmah le kanmah kan doh ah cun kawlram cu Tuluk koloni ah kan um cang ti ttha ten ahmuh cang,An nih Shanram Maishu lungvar cu theihdih si.Shanram zong tuluk nih acil anan dihcang.Anmah Shan lawng nih Hihi an ti khawh ding si ti lo.Khua an tuak antuak hi hi cu asol lai lo an timi cu luhlinh bak in an cawl an ttang ko cang hih.Pasal ciammam.

Kawlram vulei hi arum  thir le nikel Sui, ngun lungvar phun tamtuk vuleitang ah tampi a um.Meihang Zinan zong kawlram kulhchung rili chung ah tampi a um.Chinram he aineih nak bik Pungttawng pungngia tlang zong ah meihang athar an hmuh,Kyaw khuakam ah an hmuh, Kankawlay kam ah Nikel khur an hmuh.Hi kawlram vulei tang achuakmi vialte hi fimthiam nak zeitluk in dah kan chambau tiah cun kanmah kawlram mi nih kan i kawl in kan ihmuh kho lo Miram nih an hong kawl i an hmuh atambik cu Tuluk company he ai pehtlai mi lawngte an si


,Atang ah hin katton aum show image kha rak hmet law rak zoh te.

Hanlay suaimi asi. Kawlram si ning fiang ngai in a kaatoon nih alangh ter. Hanlay hi Shan miphun asi.Asi na in U Han Ngawng Shwe kawlram cozah he remdaih nak an tuah mi hi aduh lo tuk i anmah le anmah Shan cu mizapi theih awk tlak bak i Hanley nih aka tton in mah pumpak miak nak akawl  tiah arak ti.Thil tikho veve an i tongh ah cun zapi kan ar. Asi na in U Han Ngawng Shwe nih lungdong lo aizuam nak mitang ah dor nak nih riantampi attuan. an mawh lo kawlram kong hi kawlram i aum mi nak in alang i aum mi nih fiang deuh in an hmuh.ahmuhhma tuk cu minih an kan phenh le khua kan hmu kho lo tinak si .    1.Rulpi senpi   =Tuluk
2.Rulpi nih dolhdeng mi kawl cozah 
3.Rulpi lemhding adoktu  Asean pawlpi
4.Ramdang pawl UN palai nih Kawlcozah rulpi nih adolhnak hnga lo rulpi hnarphaw anhren.Rulpi nih       arak hamh diam hna ancawl kho ti lo lemh atimh lai ah an vundawh nak si.Hihi Kawlram cozah sining bak si.Ansuai mi kong i ttial ah cun Catlap hmaitamtuk ttial ahau hnga kan kheng hnga lo. Cartoon nih cun an khen bak ko

Lung afah ning cu hi Suingun lungvar khur thir le nikel, zinan khur vialte hi Tuluk tel lo in kan tuah khawh mi a um ti lo. Hihi zapi nih kan hmuh kan theih khawh lo mi an si. Kan itheih lo kar ah Tuluk  Koloni ah kan rak si diam. Tuluk nih aduh poh thuikhawh chukcho mi kan rak si.Kan cozah hi arak hip tuk an cawl kho ti lokan cozah zong nih kawlram chung ah nawl anei ti lo Tuluk nih nawlneih nak an rak tlaihdih . Hihi Kawlram chung ah an hmu kho tu athei tu cu an um na in aho hmanh an holh ngam lo an chim ngamlo,Tuluk cu communis an si. Ttih nung taktak si.S'pore.Malaysia nih hin an hmuh tuk fiangtuk in Tuluk nih cawl kho lo in atuah hna a pen hna an koloni an si cang ti hi ramkhel nih cun piang tuk fiang tuk in an hmuh.

 U Han Ngawng Shwe zong nih hihi ahmuh ve. Cozah he kan i bomh lo ah cun kawlram kan ning in dopdolh in Tuluk nih an kan dolh  cang hi teh ti ai fiang, Kawlram mifim cathiam ramdang um mi ramkhel nih Kawl cozah an chonh biak hna Kanram alo cang lai ti an chimh hna tik ah , Aw ralkap zong cu kawlram ti le rawl ei cio mi an si tik ah a cohlan khawh tuk an hmuh tuk an rak cawl ngam lo bia arak si ve.Asi na in acheu cu mah pumpak miak nak tthat nak akawl mi nih Tuluk lei kap adir mi zong an um ve. lungthin avun i cheu nak si.

Taway le Yakhine ramkulh chung rili chungchuak meihang hi Tuluk ho in meihang cawhnak ding ah phaisa hi billin thong reng lo an phum cang hihi a lian ngan taktak mi an phaisa phum mi an si.Hi zong hi Phunglam si ning te cun miramdang mi nih mahram si lo mi  rili le vulei an hlan ah kum 30 tiang lawng hman kahwh a si.Asi na in Kawlram  cozah cu an rak nawnnok dih hna an  hnahlak nak minthut mi ah kum zaleng tiang tuah kho ding khi an si.Hihi ASSK nih asi kho bak lo mi phunglam asi tiah achim bal cang.

Kan nih hi Pathian a zum mi Khrihfa kan si. Kan Bible ah minung kan lungthin cu kan chawva aum nak ah khan aum ati ko kha, Tuluk nih hika zawn i aphaisa phum mi hi atamtuk tik ah an biakam an let an cun  ral thawh ding colh khi si.Hihi Tlangcung mi pawl hmunhma ta asi. Vun ruat vun tuak u law. Cozah pinih hi thil tuahding ah hnatlak nak minsen an thut ciami hi asung akhan ngam hnga maw? Tlangcung mi hal mi Federal hi cu a pe hrim hna lai lo.Cozah nih fianghlang in Federal cu kan pom lo an ti bak mi kha si.

Mekha le Malihkhah aiton nak Dam tidil tuah mi A cencel bantuk vun cancel nolh seh law Nazi pakhat chung ah kan lo dup colh lai,Tuluk hi vulei cung ah Nuclear tamcem anei mi si. kan lo ko lai.Tuluk hi Dam a cancel ruang hmanh ah ahmur ai bo cang. Aleng in vaibar lo ailawh ter na in achung cun kata an kachuh ti mi lungthin angei diam cang.

Zeiruang ah dah President nih kahdaih nak nawl achuah mi phung an buar? Kamkhat ah tlangcung mi he remdaih nak an tuah cuahmah bu in kamkhat ah akah ti si. VOA interviews ka ngaih mi ah Kachin nih   Federal mahten uknak an hal ruang ah si. Hihi cu kan pom lo an ti piang ngai in. Lai Forum zong ah an ttial ko khah.

17 January 2012 zingka  7:30 Am VOA ah Kachin ram ral atu cuahmah mi ralkap cu Interview an tuah hna,Anchim mi hi tuaktan awk tete aum ve.President nih kap hna hlah uh a ti, kan kap hna lai lo kan ti ah KIA nih anmah nih an kan kah tamtuk kan thi cang kawlram chung raltuk nak ah athi tambik kan si lai,Kha tik ah hitluk kan thih hi meithal i put ve ko ah cun kah lo cun kan tan ti ttung lai lo  mah ca cun kan kah ve hna an ti,

Cun Pakhat ah ralkap cu cunglei nawlpek mi alphung si lo tik ah Aluancia kum ah kan lungthin chung khat lak an rak kan ronh mi pawl zong cu ane cu an tang pah men lai ASSK doh ding timi kha ati chap rih. A taktak ah cun Kawlram ca tthat nak aduh mi lawngte kan si ko.Kan dirhmun cio aikhat lo ruang tu si ati, Kachin  a tu cuahmah mi nih achim,

Mah ca cun mahten uknak hal hi cu Cozah pom mi asi lo.An pom lo mi kan hal ah cun thi aluang lai ti cu afiang ko.Kan nih Chinram kan sifah hmanh mual kan pho cang,Mah ten uknak kan hal kan in kan lo tlik le zamtak hau ding hna si ding cu nu le ngakchia nih cun kan ruat kho bak lo. Rem le daihnak poh kan duh Inchung khar kan damtlin nak si ah cun kawmciar le sangra zong bahra zong kan co ko lai.Hnangam te khuasak te hi kan i thim ko.

Kachin nu le ngakchia  an vuivai nak zong cu kan hna tlum lo in kan theih cang, Hlei le Thingkung cung ah ca an tar zeikan ti hnga remdaih nak kan ser piak ko uh, Hni puan ,tirawl kan chambau khuasik lio asi fawn kan tem kan tuar tuk an ti,Kan fale siang inn kai kho lo kan zam pi mi han hrim hi kanruah piak hram ko uh an ti nupawl an vuivai.

Ramkhel hi thingle ram le vulei  le tiva hi an minung nak an nupi an fale nak in an rak dawt deuh ko rua tiah kan ruah cang hna, Minung thih tu cu apoi lo ah anchiah.Raltampi thah khawh i ailawm mi cu Saram nih sa aseh hna ailomh bantuk kan si.

Vulei nih ti le rawl eikhim an kan chuahpiak kho ding si ko na in Pa pawl nih ti le rawl nak in raltuk nak hriamnam hrang ah an phaisa  an hman dih ruang ah Ti le rawl kan paam nak asi.

Vulei ah ziah minung thah nak hriamnam hi an ser peng hnga, Hriamnam an serchung poh cu vulei ah daihnak an duh lo ti afiang. Nuclear nih rili ttuang le vulei  a hei phomh den tuk Vulei ah lihninh atam.Tilet atho meitlang an linhsat ter khun. Minung kan tuahmi lila nih kanmah harnak akan pek dih cang.
Khuacaan tiang an hman ti lo. Vulei  ahim ti lo. Kan umnak vulei hi thlitiang tifim kan hmuhtthan nak hnga kan cinthlak tirawl an thianhlim nak hnga kan lungthin put kan i remh kan thlen dih ahau Hmunkhat ka khat lawng thianh angah ti lo kan vulei hnawm kan dihlak in kan thenh ahau hmunkhat ah!

We are the world 's Children,The world must come together One,

Zite,

( Laipa  an ka rem lo nak, Mahten uknak (Federal  ) an duh keinih Kachin nih federal an hal ruanga h tuchun nitiang an kah hna hi kanmit ka kan hmaika si  hi bantuk ramchung ral athawh ka duh lo hihi kan pom ning aidan nak si ,An ka ngiar nak si )         

Kawlram Thongtla chuahni 13 January 2012

1988 kum  kawlram buailio thongtla an chuah nak kong,Lai forum Ah Lairam Thang ttialmi si. Hmailei ah cun ramkhel tuanbia ah abiapi asi te lai tiah ka fim mi si,Lomnak mithmai, hmanthlak hi ka fim duhmi si.

Luatnak Hi Man Lo In Hmuh khawh  A Si Rua Lo January 12 ni cu Kawlram ramrian tuan ruangah thongtla mi hna caah cun philh khawh ding a si lo. Luatnak an hmuh ni a si. 1988 khan kan ram rak i theng sehlaw Kawram hi a tu ahcun Vietnam, Indonesia le Philipine ram nak in a thangcho deuh ding a si cang. Kum 23 renglo kan caan vialte pakpalawng ah a chuah dih, kan ram a rawk, minung lungthin zong a rawk. Kum 23 renglo a rawk cangmi minung lungthin le kan ram cu fawi tein khawh a si lai lo. Ram hruaitu hna nih mipi hruai an i palh ahcun a hram in thawk than a herh an ti. Mah cucu atu Kawlram kan sining hi a si rua ka ti. Tlangcung mi hna caah zaukphung (democracy ) hmuh lawng in a za lai lo, a dikmi zaukphung le mahte tawlrel khawhnak (self-determination) kan hmuh lawngah tlangcung mi kan him lai. Luatnak le Zalonnak kan timi hi minung kan nunnak ah a biapi bik a si ko rua. Tlangcung mi hna nih kan hal lengmang mi hi Kawl mphun ta a si lo, kanmah nih kan rak ngeih cangmi kan ta kha kan laak than lai ti khi a si. General Aung San he pinlung an min kan rak thutning tein kan covo kan pe u, nan kan pek lo ahcun Kawlram in kan chuan lai tiah tlerh ding an si hnga. Tlangcung mi hna nih lungrual tein kan tlerh hna ahcun kan laak than khawh ko lai. SNLD Hruaitu Khun Thun Oo cu Shan miphun ca lawng ah si lo in, UNLD, UNA le tlang cungmi hna caah a nunnak a chawva tiang in a petu a si. Amah hi um hlah sehlaw UNLD le UNA riantuannak hma a kal kho hnga lo. Ramrian tuan ka peh lai tiah a chim. Tutan thong an chuahmi hna ah Shan Nationalities League for Democracy Party (SNLD) hruaitu U Khun Thun Oo, chungtuantu, Saing Ngunt Lwin le General Khin Ngunt le a fale, General Ne Win tufa le zong an i tel. 88 Chanchuak Sianghleirun Siangakchia Thong In An Chuak Kawl cozah nih a tih bikmi 88 chanchuak sianghleirun siangngakchia hna cu thong in an chuah cang hna. Min Ko Naing, Ko Ko Kyi, Ko Htay Kywe, Ko Mya Aye, Ko Min Yan Naung, Ko Jimmy, Ko Pyone Cho, Ko Ant Bwal Kyaw, Ni Lar Thein le a dang zong an i tel. Thazet Thonginn in a chuah lio a si. Sianghleiruan Siangngakchia dothlennak thantaar he thongah an rak don. A cunglei hmanthlak pawl hi thong chung a um lio ah Min Ko Naing nih a suaimi hna an si. A cunglei hmathlak pawl hi Thazet, Pyi le Rangoon ah a phak ah mipi sin ah bia a chim lio hmanthlak a si. Min Ko Naing cu Kawlram thongtla vialte lak ah minthang bik a si. Aung San Suu Kyi rian a changtu ding a si tah ruahmi zong a si. 88 lio All Burma Federation of Student Unions an dirh ah hotu ah an rak thim i, 88 buai lio ah sianghleiruan siangakchia vialte a kan hruaitu a si. Catial thiam a si, Biazai le Tan-chiat tial a thiam ngaingai mi a si. Rangoon Sianghleiruan a kai lio ah sainginn ekinn kip le vanpang kip ah a cozah dohnak biazai a tial. Thong in voi thumnak a chuah a si. Thong a tlak vialte relh dih ahcun kum 20 renglo si dawh a si. A tanglei te hi hmet ulaw, bia a chim lio zoh khawh a si. http://www.youtube.com/watch?v=Y0l2aObGA-M&feature=player_embedded 88 ABFSU Hotu chang A Rak Tuanmi Ko Ko Kyi Ko Ko Kyi a hngal deuhmi nih ramrian ruantu ding hrimrhim a si an ti. Ramrian lei ah a thluk a tli taktak mi a si i, amah thluak hi 88 lio ah tampi rak hman a si. Ram caah nunnak thap in a temtuar mi hna thawng in kannih nih luatnak kan hmuh. Luatnak kan timi hi temtuarnak um lo in hmuh khawh a si rua lo. A tanglei ah 88 ABFSU Chungtel Htay Kywe Hmanthlak A cunglei hmathlak ka taarmi Ko Htay Kywe hi 88 lawng si loin phungki pawl dohdalnak ah amah nih hnulei in an tawh a tlaitu hna a si. Phungki dodalhnak lio ah thla 3 deng a dup hnu ah cozah nih a dupnak hmun ah an tlaihmi a si. Min Ko Naing le Ko Ko Kyi an um lo ahcun amah hi hruaitu a si. 88 'Chanchuak "Ko Hla Myo Naung Hmanthlak Amah hi mi lunghak ngaingai mi a si. A mit hi a tha tuk lo i, cozah nih sibawi zong an rak pe duh lo, vawleicung in an au kanh caah cozah nih a hnu ah sibawi piaknak nawl an pek than. 88 Chanchuak Ko Pyone Cho   A nu le a pa nih an rak don, zeitluk in dah an i lawm lai, keimah hmanh an hman thlak ka hmuh ah ka lawm tuk. 88 Chanchuak Ko Jimmy le a nupi Ma Ni Lar Thein Hmanthlak Nuva in thongah an thlak hna A cunglei hmanthlak nupa farual hna hi Ko Jimmy le Ma Ni Lar Thein an si, an fate hi Phungki pawl dohdalnak tuah lio ah khan, an hrinmi a si, a nule le a pa thong i an thlak lio ah thla 3 lawng a si rih, kum thum hnu ah nupa farual an i tong, an tuabia ruah ah lung a fak ngeih a chia hringhren. Mipi caah nunnak thap tu hna cu upat lo awk an tha lo. 88 Chanchuak Ko Mya Aye   A cunglei hmanthlak Ko Mya Aye cu "Burma Campaign for UK "ah a tuanmi Waihhin Pwint Thone i a pa a si. General Khin Ngunt Amah le a chan ahcun a huaisem bakmi a si. Raltu bal lo, thohhlanzi in a kaimi a si nain Ne Win mithmai in Ralkap zong a tih lo, cozah dodaltu zong a tih hna lo, hriamtlaimi zong a tih hna lo, tihmi pakhat hmanh a ngei rua lo ti awk in rumra zong a ngeimi a si nain General Than Shwe nih zohchia ngai in a thlonghmi a si. Amah zong tutan ah a hung chuak ve i, ramrian tuan cu ka tim ti lo tiah thawngzamhtu hna sin ah a chim. A fapa le pahnih zong an chuah hna, a fanu vapa, kanmah Laipa tu cu a chuak rih rua lo. Ruamnak, Minthannak le Nawlngeihnak, hna hi zungzal a hmunmi an si lo, vawlei kan nunchung ah kanmah le kan chan cio ah ram caah a tha bik in tuanbia tial i zuam hna usih. Ram caah a tamtuartu hna upat peknak he ka van taarmi a si. Hmanthlak zohtu, careltu nan dihlak cungah ka lawm. Lawmhnak bia a chimtu nan dihlak cungah ka lawm. Nanmah hna tha peknak thawng in ka van i hnek tawnmi a si. Palh sualmi, tial sualmi a um ahcun keimah santlaih lo a si, a ruahzia ka thiam te u tiah kan nawl sia hna. Upatnak le Siaherhnak he, Salai Lairamthang ( Sungsung pa)