TT Baptish Church ca ah capar

Pathian nih atu cu minung kaser cang hna lai;kanmah mui akeng lai i kanmah he kan i lo lai,Nga si hna seh,va si hna seh, inzuat sattil si hna seh,ramlak um mi saram ahme angan si hna seh, an dihlak cung ah  nawl ngeih nak ka pek hna lai ati.An ei awk caah thlai phunkip le thei phunkip kan pek hna lai ati.(Genesis 1:26-29)


Hi acung bible cacang te ah hin Pathian nih akan khinh mi kan tuah nga ding " Responsible" cu si.Pathian nih minung akan pekmi nawlngeih nak hi zeitin dah kan hman.Nan duh poh in that hna uh hrem hna uh vatu vadeng hna uh khit hna uh hreng hna uh kan ti maw? Pathian nih akan tinh piak mi cu rak zohkhenh hna u ti tu asi.


Sugar coated poison cu Sehtan politic


Rulpi nih cun dawtnak kha Lih in a tuam huat nak kha apawi
Rights adik hmaan mi viate ahuat dih .Amah zawn lawng airuat
Alung apuam micung ah dawtnak zangfah nak angei lo
Siang pahrang si ding ah aithlak lo na in ,remdaih nak caan ah
Pen nak cu a holh nal nak in aisawh aisawh lai i hlen nak in uknak cu alak lai.
A power ah zangen nak asi.A kancawi rua kanti nain akan thlak,akan ser rua kan ti na in akan hrawktu asi.


Sehtan pen nak tang ah kan um chung poh cu,remnak daihnak,luat nak aum bal lo.Zangen nak in thluang ankhawng. mi an kan rep, an kan hip, zalon nak kan hmu lo cu ruang ah  dawtnak aum lo nak ram ah rem nak aleng ti lo.Lih chim kho, mihleng kho, ziknawh le ruk le rek athiam mi nih buan an co dohnak ral nak ,huatnak aser minung le minung akan thah ter. hnahchuah nak le ziarneih nak kha an hriamttha  ahan ahman hna.Mah ten dingte hman ten pawcawm nak kawl hawl mi, ahrokhrawl lomi ,apuar atthawng ve lo mi hna muihmai cu attet ttiam i mithmai an ngei ti lo miding mifel cu mi zomhteih mi le mi nehsawh mi tu ah an cang ai.Misual  lianngan i tthawngtthat ,miding mitu sifak santlai lo ah kan dir
.( Sehtan nih abittaling akan thlir nak si)


Mi le mi kar ah remnak aser tawn tu cu mi lunglawm nanva si dah,Pathian nih kafa an ti hna lai.Mathai 5:9


Shan Sawbua fapa  3 hna cu an miphun luatnak humhim nak duhdim nunnak caah anmi phun cah ralkap an tla hna.A nau pa pakhat zong ralkut in athi.atang mi pakhat zong cu an hruaitu dirhmun ah cozah dotu an si nak hi kum 50 renglo asi cang U Han Ngawng Shwe cu ramchung ah umngam lo in ramleng in  Media media lei in kawlram  luatnak hmuhnak ca ah attang ngai mi si.


Upa le khuafa ,Miphun pi fale hrat cu,


Ruahnak pical taktak an vunchuah  ralkap cozah hi kan huat le kan doh nak asau remruam cang zei aphi hmanh kan hmu lo zeisan hmanh atlai lo tiah kan policy kan thlen  ahau lai tiah ruahnak athar anchuah.Zungzal kawl cozah ado mipa nih ahmurkaa in cozah he hawikom ser i rianttuan tti tu kani zuam lai kan duh mi hmaitonh in kan hal lai a ti lio ah  mipi nih zumh ahar. mileirawi tu men mah miaknak aikawl nak a sipuazi tu si lai tiah an purhdah an lungrumh. Anmah miphun  Shan katoon saza Han lay nih khuaza ram theih in arak soisel.( Mica tthat nak kan kawl cu kanmah tu cei ko in an kan tengh)


Zakana le Khin Ngunt ton nak,


Zakana te thong athla tu hi Khin Ngunt  te an si.Zeitindah Khin Ngunt thong achuah ah Zakana nih ava len zia zeibantuk lei ko dah si hnga?Hi hna pa 2 ton hi mi lung an kan hlauh ngai,ai ralkah mi pa 2an si tiah kan hmuh mi an si..Sahngar le Ar,Chizawh le Zu, Ui le Meheh, ralkap le tapung hi tonciam mam te hmunkhat ah biaruah hi Mit leh piah alo zumh ahar. thil pical taktak amuru kan khek lai tiah cun huatnak chung ah dawtnak   ser hi si . Dawt awk tlak lo dawt hi sual ngaihthiam nak asan nak bik cu hika zawn te hi si ko.Minung  vialte nih attha ti thei ko na in kan i hnek khawh lo mi kantuah khawh cio lo mi asi hi ciam mam airal mi kan i rem hi remnak ser cu asi  remnak taktak ser zong asi tak ko.




Kum 50 hriam an tlaih mi nih daihnak aser maw?


Karen tapung Hmurhmul pa nih cun kan miphun kan mipi an temtuk an chaihma tuk cang rem nak ser kan duh ko ati. mipi an vuivai hriamnam  mikut aum pek mahkut aum pek ah mizei kut cung aum poh ah ttih anung ko an ti.Hriamnam ruang ah kan tli kan zam kan inn kan lo kan chuah tak.Hi ti kachim ruang ah asung khan tiah ka ruat hlah uh kan miphun zan ah tthittha in an it ngam lo.an thinphang ttih mi an ngeih tika h zeihmanh kan tuah ngam lo sungh le zatlak sifah nih arak zulh ati.Hawihnu kan i thlainhawi kan thluk kan can ti hna lo an ti.




Ramdawt miphun dawt kan ti mi hi,ruah awk tampi a um


"I demand to be immediately released, because I acted in self-defense in the name of my nation, my culture, my religion, my city and my country," according to the agency DPA said Breivik thirty-two on the trial where it was decided to extend his detention.To commit attacks have already confessed, but refuses to criminal liability.They say that the commander of an organization that seeks to overthrow the government and replace them with others who appear Muslim immigrants from Europe.6 Feb 2012


Norway mithat pa nih mi kathah mi tham cu  kan ram kan miphun, kan nunphung, kan biaknak kan khua kan ram ca ah pei si ko cu,Muslim  ka doh nak a si,ati.Aw hi maw miphun dawt ramdawt cu si hnga?Athi mi chungkhar nulepa  nih hipa hi ramdawt ruang ah kan fa athah ti hi an cohlang kho hnga maw?Ramdaw tu cazin ah hipa hi an khumh kho hnga maw?


Saping palh bak si.


Kachin kan u nau hna kong ah kan hnak afak cio kan dawt ning phun zong aidang cio.Atu acang mi cung ah daihnak remnak an cohlang kho zau lo.ankhua an ram mahte uknak an duh ruang ah nu le ngakchia zei ton dah an ton ,Mah te uknak aduh lo mi tlangcung mi ahodah aum. kanduh dih ko. minung kan paam hmai lai ti ruah tungmang ruang ah kan thin kan ttumh cio.An nih KIA hi minung nak in khuaram thingkung le tiva an dawt deuh rua. Minung cu an kan ui rua lo hih.Hihi khuaram dawt ah kan relh hna hnga maw?


.An duh mi co lo ruang ah,


Kachin ah ralzam zeibantuk thil dah an ton anmah retheih sifah lawng si lo. Kan khuasak tintuk nak inn le lo dumhau vokte arte tiang zohkhenh tu aum lo.Fale ti le rawl rep lo. hnipuan fenhaih. khuasik lak puanvur ding an chambau.Siang inn kai lio ngakchia tthancho nak akham. Nu fapawi le fanei nu hmanh thlaihhrem an tong.Nu ca ko ah khauruah atam.Ramtaang ah nu dilfel i timh zong ah hmunhma nih ape lo. Thazang tthawngmi pa zang en nak tang ah nu pa zeizat ko dah an par an ziamh ter hna.ramtang ah inn ka  hrenhkhanh ding aum lo an thik an zam hmanh ah athadit cun kan dih thiamthiam ko. Nu le ngakchia kan paam hmai tuk Raltuk hi ahuat in kan huat hriamnam hi vawlei ah um ti hrim hlah seh kan duh bak ko.


Kan Lairalkap CNF ruun inn hlam ni,Mipi zawn an ruat nule ngakchia an kzan zangfah. kan i lawmtuk.


Ailawm lo ainuam lo a ho dah aum hnga. Thihttian tal si lo nung ttian in attian mi nule fa muihmuh zattial kut tlaih ni aho dah lung hno lo aum hnga, Aho fial lo khuanu khaupa mithli hna hi kan hrang ah tehte ttha bik an si ko.Ai daw cukmak mi nu le fa zeiruang kohme kandang hram .kan colo zuun vanpangpar maw kan ngen.Si loah vawlei rumnak suingun dah kantum, kantah kan ngen mi cu "All men creat equal" aikhat mi covo  khi asi ko.Hi kan covo kan sungh mi hmuhnak ca ah meithal he ramtang kan vaih nak cu asi ko.
Kan covo an kan kamh mi atak le deu si cu caan nih achim ko lai Remnak daihnak kan ser lai kan i daw lai kan ttang tti lai kan ttuan tti lai ti cu kan cohhlan lo ah vuizeizat dah an kan sawm hnga , covo khamtu tlang vialte cu an kan tthial piak ni cu vawlei lomh nak van lomh nak in kan khah ni si ko .Tichum minmei an ttian ni,tthal khuapau  achuah tik khuamuih bik caan kan lonh cun khuadei arkhuan zing niceu achuah ah cun khuacaan ngak vaca ruunrual phuncawng tizu tlan vapuntling an aw cio in phuncawng kung ah aw phuntling in zaihla  anremh bang lairam fale, ruun  inn hlam ni tikcu caan khi lungthli tum kan ngen mi cu si ko.


Aho nih dah dawtnak remnak hleisang akan donh piak.


Zawngkhat tuanbia zawngrual tiva ral peh khawh nak cah  akeng kha hlei ah aiser. Akeng cung akal mi nih khatlei tiva ral zalen nak remnak daihnak tirawl duhdim an ei khawh nakram an phan. Daw ASSK le U Theinsein khuakhan nak ah adirkamh tu Shanpa U Han Ngawng Shwe tehna bantuk mintheih lo nun nak thap mi Pasal hna an minung si nak rumra le huham vialte an kaltak ni sifak santlai lo sinah aniamcem dirhmun thangchiat le minchiat phurhpi khat, Soisel nak he puh lo an puh hna mi vialte mitchin kamseh in pasal hawi bianek an ing mi atheih par khi remdaih nak siamtu cu an si ko hme cu.


Hi vawlei sunpar nak lianh ngan nak vialte kan duh ah cun kan minung kan taksa  nih temhtuar nak um lo in hmuh khawh mi si lo. Misual vialte sualnak chung akan khamhtu kan Bawi Zisuh nun hlei lo chanhchuah tu ah zohchunh ding dang kan nei lo.




Dawtnak vialte lak ah asang bik tahfung cu nunnak pek asi.Dawtnak tel lo in tuahmi thil vialte pakpalawng lawngte an si.Hi dawtnak cu Pathian ta si. Minung kan si nak kan phi cu Dawtnak chung hramsih asi. Dawtnak tel lo cu ruahti pawl lo minmei bantuk men an si ko. ruahti apawi lo ah zeitin dah vawlei ah kan thlaici theipar kan hmuh hnga. kanttam kanhal kan paam zungzal ko lai.


Pathian huham aitel mi dawtnak remnak hleisang akan donhpiak tu cu lunglawm mi nan va si dah Pathian nih kafa an ti hna lai.


Hi capar  kattial lio ah hin kadirhmun hi hikong ttial ding aitlak lo bik ak si.Michambau bik ka si. timi hngalbu in miphun upat nak he karak ttial.


Suizi( Lungding/Vanzang)
Czech Republic